The news is by your side.

Advertisement

خواتین کی تعلیم کے بغیر قوم آگے نہیں بڑھ سکتی‘ شفقت محمود

اسلام آباد: وفاقی وزیرِ تعلیم شفقت محمود کا کہنا ہے کہ اسکولوں سے باہر بچوں کو اسکولوں میں داخل کرانا ہے۔

تفصیلات کے مطابق وفاقی وزیرِ تعلیم شفقت محمود نے فیڈرل گورٹمنٹ کالج میں تقسیم اسناد کی تقریب سے خطاب کرتے ہوئے کہا کہ خواتین کی تعلیم کے بغیر قوم آگے نہیں بڑھ سکتی۔

انہوں نے کہا کہ ہم چاہتے ہیں لڑکیوں کے لیے اور اسکول بنائیں، قوم آگے بڑھ رہی ہے مل کرملک کو عظیم ملک بنانا ہے۔

وفاقی وزیرتعلیم نے کہا کہ اسکولوں سے باہر بچوں کو اسکولوں میں داخل کرانا ہے، اسکولوں میں یکساں نصاب لانا چاہتے ہیں۔

یاد رہے کہ رواں سال 9 جنوری کو وفاقی وزیر تعلیم شفقت محمود کا کہنا تھا کہ ملک میں خواندگی کی شرح 58 فیصد ہے اور یہ 60 سے 58 پر آئی ہے، 2 کروڑ بچے اسکول نہیں جا رہے جو لمحہ فکریہ ہے۔

2 کروڑ بچے اسکول نہیں جا رہے جو لمحہ فکریہ ہے: وزیر تعلیم

وفاقی وزیر تعلیم کا کہنا تھا کہ غریب پیچھے رہ گیا اور امرا کا طبقہ آگے نکل گیا، ہم نے یکساں نظام تعلیم کی طرف بڑھنا ہے، چاہتے ہیں قوم میں ایک اتفاق رائے پیدا کیا جائے۔

شفقت محمود کا کہنا تھا کہ تعلیمی نظام میں یکسانیت نہیں ہوتی تو دنیا کو دیکھنے کا نظریہ مختلف ہوگا، مختلف تعلیمی نظام کی وجہ سے قوم میں ذہن تقسیم ہوگئے، تقسیم ذہنوں سے ایک قوم بننے میں مشکل ہوتی ہے۔

Comments

comments

یہ بھی پڑھیں