اسلام آباد: وفاقی وزیر تعلیم شفقت محمود کی زیر صدارت بین الصوبائی وزرائےتعلیم کانفرنس آج ہوگی ، جس میں امتحانات اور تعلیمی اداروں میں موسم گرماکی چھٹیوں سے متعلق فیصلہ ہوگا۔
تفصیلات کے مطابق تعلیمی اداروں کی بندش اورامتحانات کے معاملے پر بین الصوبائی وزرائےتعلیم کانفرنس آج ہوگی ، وفاقی وزیرتعلیم شفقت محموداجلاس کی صدارت کریں گے، کانفرنس میں چاروں صوبوں،گلگت،آزادکشمیرکےوزرائےتعلیم شریک ہوں گے۔
اجلاس میں اساتذہ اوراسٹاف کی ویکسی نیشن کےمعاملےپرگفتگو ہوگی، امتحانات سے متعلق حتمی فیصلہ متوقع ہے اور تعلیمی اداروں میں موسم گرماکی چھٹیوں کافیصلہ بھی ہوگا۔
یاد رہے نیشنل کمانڈ اینڈ آپریشن سینٹر نے ملک کے شدید متاثرہ اضلاع میں تعلیمی ادارے نہ کھولنے کی ہدایت کرتے ہوئے کہا کورونا کےکم متاثرہ اضلاع میں تعلیمی ادارے 24 مئی سے کھلیں گے۔
مراسلے میں کہا گیا تھا کہ کورونا سے زیارہ متاثرہ اضلاع میں تعلیمی ادارے 6 جون تک بند رہیں گے،7 جون سے تعلیمی ادارے کھولنے کیلئے جائزہ اجلاس 3 جون کو ہو گا۔
