نوازلیگ ٹوٹ پھوٹ کا شکار ہورہی ہے، شفقت محمود -
The news is by your side.

Advertisement

نوازلیگ ٹوٹ پھوٹ کا شکار ہورہی ہے، شفقت محمود

اسلام آباد : تحریک انصاف کے رہنما شفقت محمود نے کہا ہے کہ نواز لیگ ٹوٹ پھوٹ کا شکار ہورہی ہے، شواہد کی بنیاد پر وزیراعظم نااہل ہونے سے نہیں بچ سکتے۔

ان خیالات کا اظہار انہوں نے اسلام آباد میں صحافیوں سے گفتگو کرتے ہوئے کیا، انہوں نے کہا کہ ہمارا وزیراعظم ایک مارکیٹنگ منیجر تھا جو10ہزار درہم تنخواہ لیتا تھا، آپ ٹیکس ریٹرن دیکھیں تو ان کی کمپنیاں کوئی پیسہ نہیں کما رہیں۔

انہوں نے کہا کہ احتساب سب کا ہوناچاہئیے کسی کو جمہوریت کی فکرنہیں ہونی چاہئیے، مریم کےسپریم کورٹ آنے پرچند سو لوگ آئے تھے۔

ایک سوال کے جواب میں ان کا کہنا تھا کہ لیگی وزراء عدالتوں اور جےآئی ٹی ممبران کوڈرانا دھمکانا چھوڑدیں، ہم سپریم کورٹ، جےآئی ٹی ممبران اور میڈیا کے ساتھ کھڑے ہیں، پاناما کیس پر عدالت کا فیصلہ آنے کے بعد پارٹی کا لائحہ عمل طے کرینگے۔

شفقت محمود نے کہا کہ پی ٹی آئی ملک میں ایک امیدبن کرآئی ہے، جوق درجوق لوگ ہماری پارٹی میں شامل ہو رہے ہیں، بدتمیزی کے معاملے پرظفرحجازی کا بیٹا اب تک گرفتار ہوجانا چاہئیے تھا، افسوس ہے انہوں نے خاتون صحافی سے بدتمیزی کی۔

Comments

comments

یہ بھی پڑھیں