The news is by your side.

Advertisement

نیشنل انسٹی ٹیوٹ آف وائرولوجی کا افتتاح

کراچی: وفاقی وزیربرائے تعلیم و پیشہ ورانہ تربیت شفقت محمود نے کہا ہے کہ تعلیم کا شعبہ ہر قسم کی سیاست سے پاک ہونا چاہیے،تعلیم کے فروغ کے لیے تمام صوبوں کو مل کر کام کرنا ہوگا.

ان خیالات کا اظہار انھوں نے ڈاکٹر پنجوانی سینٹر اور ڈرگ ریسرچ کے تحت بین الاقوامی مرکز  برائے کیمیائی و حیاتیاتی علوم، جامعہ کراچی میں تقریب سے خطاب کرتے ہوئے کیا۔ وفاقی وزیر نے ڈاکٹر پنجوانی سینٹر کے نیشنل انسٹی ٹیوٹ آف وائرولوجی کا بھی افتتاح کیا.

شفقت محمود نے کہا کہ ملک میں یکساں تعلیمی نصاب کا جلد نفاذ ہوگا، حکومت فروغِ تعلیم کے لیے متعدد پروجیکٹس پر کام کررہی ہے، یکساں تعلیمی نصاب کے نفاذ سے طبقاتی امتیازات میں کمی واقع ہوگی، حکومت نے59ارب روپے اعلیٰ تعلیم کی مد میں مختص کیے ہیں،  پاکستان کو کئی وائرل امراض کا سامنا ہے، انسٹی ٹیوٹ آف وائرولوجی کا قیام بہتری کی نوید ہے۔

وزیر اعظم پاکستان کی قائم کردہ ٹاسک فورس برائے سائنس اور ٹیکنالوجی کے چیئرمین  پروفیسرڈاکٹرعطا الرحمان نے کہا کہ اربوں روپوں کی مدد سے متعدد صنعت، زراعت، آرٹیفیشل انٹیلی جنس، نیون ٹیکنالوجی، انڈسٹریل بائیوٹیکنالوجی، خلائی سائنس وغیرہ سے متعلق  پروجیکٹس پر کام ہورہا ہے۔

بین الاقوامی مرکز کی ترقی سے متعلق انھوں نے کہا کہ اس ادارے کے چار اہم خصوصیات ہیں جس میں اس اعلیٰ فیکلٹی، تربیت یافاتہ ٹیکنیشن، لائق طالب علم اور پبلک پرائیویٹ پارٹنرشپ شامل ہیں۔

شیخ الجامعہ، پروفیسر خالد عراقی نے کہا پاکستان میں انسٹی ٹیوٹ آف وائرولوجی کے قیام سے وائرولوجی کے شعبے میں استعداد پیدا ہوگی، یہ ادارہ جدید آلات اور مشنیوں سے مزیّن ہے جہاں اعلیٰ درجے کا تحقیقی کام سر انجام پائے گا۔

اس موقع پر  آئی سی سی بی ایس جامعہ کراچی کے سربراہ پروفیسر ڈاکٹر محمد اقبال چوہدری اور حسین ابراہیم جمال فاونڈیشن کی محترمہ ثمن عزیز جمال نے بھی خطاب کیا.

تقریب میں ڈاکٹر پنجوانی میموریل ٹرسٹ کی چیئرپرسن محترمہ نادرہ پنجوانی کا پیغام پڑھ کر سنایا گیا۔ حسین ابراہیم جمال فاونڈیشن کے سربراہ عزیز جمال بھی اس موقع پر موجود تھے۔

 

Comments

comments

یہ بھی پڑھیں