کراچی: کرونا وائرس کے لاک ڈاؤن کے دوران جہاں لوگ مختلف دلچسپیاں اپنا رہے ہیں وہیں معروف اداکارہ شگفتہ اعجاز نے اپنے ہی گھر میں ’گاؤں‘ بنا لیا۔
معروف پاکستانی اداکارہ شگفتہ اعجاز نے سماجی رابطے کی ویب سائٹ انسٹاگرام پر اپنے گاؤں کی تصاویر شیئر کیں جو انہوں نے اپنے گھر کی چھت پر بنایا ہے۔
شگفتہ کا تعلق پنجاب کے ضلع گجرات کے ایک چھوٹے سے قصبے سے ہے جس کی یاد میں اپنے گھر کی چھت کو ہی انہوں نے گاؤں کی شکل دے ڈالی، اس گاؤں کا نام انہوں نے سوہنا سکھ وال رکھا ہے۔
انسٹاگرام پر انہوں نے اپنے گاؤں کی تصاویر شیئر کیں جن میں وہ مٹی کے چولہے پر کھانا اور چائے بنا رہی ہیں، ایک تصویر میں وہ چارپائی پر لیٹی بھی نظر آرہی ہیں۔
View this post on Instagram
مداحوں نے ان کی تصاویر کو بے حد پسند کیا اور ان کی اس کاوش کو خوب سراہا۔
