site
stats
پاکستان

صوفی بزرگ شاہ عبدالطیف بھٹائی کے 272ویں عرس کی 3روزہ تقریبات کا آ غاز

کراچی : بھٹ شاہ میں صوفی بزرگ شاہ عبدالطیف بھٹا ئی کے دو سو بہترویں عرس کی تین روزہ تقریبات کا آ غاز ہوگیا ہے، ملک بھر سے زائرین کا آمد کاسلسہ جاری ہے۔

شاہ عبدالطیف بھٹائی کے عرس کا افتتاح وزیراعلی سندھ کے خصوصی معاون برائے اوقاف عبدالقیوم سومرو نے مزار پر چادر چڑھا کر کیا، صوبائی وزیرسیاحت اور ثقافت شرمیلہ فاروقی نے شاہ جو باغ میں لگائی گئی ثقافتی اور زرعی نمائش کا افتتاح کر دیا۔

اس موقع پر ان کا کہنا تھا کہ مزار کی عمارت اور انتظامات میں بہتری لانے کے لئے اقدامات کئے جائیں گے، عرس کی سکیورٹی کیلئے بھٹ شاہ کے داخلی اور خارجی راستوں پر پولیس کی بھاری نفری تعینات کی گئی ہے۔

عرس کی تقریبات میں شرکت کے لئے زائرین کی بڑی تعداد قافلوں کی صورت میں وہاں پہنچ رہی ہے.

دوسری جانب حضرت عبداللطیف بھٹائی رحمۃ اللہ علیہ کے عرس کی مناسبت سے آج سندھ بھر میں عام تعطیل ہے، سندھ حکومت کے تمام ادارے اور سرکاری و نجی اسکول بند ہے، سندھ میں ہر سال چودہ صفر کو حضرت شاہ عبداللطیف بھٹائی رحمۃ اللہ علیہ کے عرس کی مناسبت سےعام تعطیل ہوتی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top