بیجنگ: وزیر خارجہ شاہ محمود قریشی کی چینی ہم منصب سے ملاقات ہوئی۔ ملاقات میں مشترکہ دلچسپی کے اہم امور پر تبادلہ خیال کیا گیا۔
تفصیلات کے مطابق ترجمان دفتر خارجہ نے سماجی رابطے کی ویب سائٹ ٹویٹر پر اپنے ٹویٹ میں کہا کہ وزیر خارجہ شاہ محمود قریشی کی چینی ہم منصب وانگ ژی سے ملاقات ہوئی۔
دفتر خارجہ کے مطابق ملاقات بیجنگ کے گریٹ ہال آف پیپل میں ہوئی۔
Meeting of Foreign Minister of Pakistan Shah Mahmood Qureshi with Chinese Foreign Minister Wang Yi on 2nd November, 2018 at the Great Hall of the People in Beijing. @zlj517 #pakchinafriendship pic.twitter.com/uEl1gfwYHM
— Dr Mohammad Faisal (@ForeignOfficePk) November 2, 2018
اس موقع پر وزیر خارجہ شاہ محمود قریشی نے کہا کہ چین پاکستان کی خارجہ پالیسی کا اہم ستون ہے۔
خیال رہے کہ وزیر خارجہ شاہ محمود قریشی وزیر اعظم عمران خان کے ہمراہ چین کے دورے پر ہیں۔
وزیر اعظم کے پہلے دورہ چین میں ان کے ساتھ دیگر وفاقی وزرا اسد عمر، خسرو بختیار، شیخ رشید، مشیر تجارت عبد الرزاق داؤد اور وزیر اعلیٰ بلوچستان جام کمال بھی موجود ہیں۔
5 روزہ دورے کے دوران پاکستان اور چین کے درمیان مختلف معاہدوں اور یادداشتوں پر دستخط کیے جائیں گے۔
