The news is by your side.

Advertisement

وزیرخارجہ شاہ محمود قریشی 3 روزہ دورے پر چین روانہ

اسلام آباد : وزیرخارجہ شاہ محمودقریشی افغانستان کے ہمسایہ ممالک کے تیسرے اجلاس میں شرکت کے لئے چین روانہ ہوگئے۔

تفصیلات کے مطابق وزیرخارجہ شاہ محمودقریشی 3 روزہ دورے پر چین روانہ ہوگئے ، جہاں وہ افغانستان سے متعلق ٹرائیکا پلس اجلاس میں شرکت کریں گے۔

دفتر خارجہ سے جاری بیان میں کہا گیا ہے کہ دورے کے دوران وزیرخارجہ شاہ محموداسٹیٹ کونسلر، وزیرخارجہ وانگ ژی سے ملاقات کریں گے جبکہ روس، چین کے وزرائےخارجہ سے بھی ملاقاتین شیڈول ہیں۔

ذرائع کا کہنا ہے کہ وزیرخارجہ شاہ محمودقریشی چین کے بعد روس کا بھی دورہ کریں گے۔

یاد رہے کہ پاکستان نے ستمبر 2021 میں پڑوسی ممالک کے فارمیٹ کا آغاز کیا تھا، جس کا مقصد افغانستان کی صورتحال پر علاقائی نقطہ نظر کو تیار کرنا ہے۔

پاکستان نے 8 ستمبر 2021 کو پڑوسی ممالک کے وزرائے خارجہ کی پہلی میٹنگ کی میزبانی کی ، دفتر خارجہ کے ترجمان نے کہا کہ پاکستان خطے میں پائیدار امن اور استحکام کے فروغ کے لیے افغانستان سے متعلق علاقائی نقطہ نظر کی مکمل حمایت کرتا ہے۔

ترجمان کے مطابق "پاکستان ایک پرامن، مستحکم، خود مختار، خوشحال اور منسلک افغانستان کے مشترکہ مقاصد کو آگے بڑھانے کے لیے عالمی برادری کی کوششوں کی حمایت جاری رکھے گا۔”

Comments

یہ بھی پڑھیں