اسلام آباد: وزیر خارجہ شاہ محمود قریشی کا کہنا ہے کہ ایسی قانون سازی کرنا چاہتے ہیں جس سے عوام کا فائدہ ہو، ہم نے اپنی پارٹی کے اراکین اور اتحادیوں کو اعتماد میں لیا ہے۔
تفصیلات کے مطابق وزیر خارجہ شاہ محمود قریشی نے پارلیمنٹ ہاؤس میں میڈیا سے گفتگو کرتے ہوئے کہا کہ سیاست میں جستجو جاری رہتی ہے، ہماری نیت درست ہے۔
وزیر خارجہ کا کہنا تھا کہ ہم دیانت داری کے ساتھ شفاف انتخابات چاہتے ہیں، ہم ایسی قانون سازی کرنا چاہتے ہیں جس سے عوام کا فائدہ ہو، ہم نے اپنی پارٹی کے اراکین اور اتحادیوں کو اعتماد میں لیا ہے۔
انہوں نے کہا کہ آج سب ہمارے ساتھ آن بورڈ ہیں کیونکہ ہمارا کوئی منفی ایجنڈا نہیں، ہم چاہتے ہیں اس ملک میں ہمیشہ کے لیے شفاف انتخابات ہوں۔
وزیر خارجہ کا کہنا تھا کہ ہم سے مزید غور و حوض کے لیے وقت مانگا گیا جو ہم نے دیا، میرے خیال میں مزید وقت دینا کسی کی شکست نہیں
اے آر وائی نیوز کی ڈیجیٹل ڈیسک کی جانب سے شائع کی گئی خبریں