The news is by your side.

Advertisement

وزیرخارجہ کا جنوبی کورین اورسعودی ہم منصب سے ٹیلی فونک رابطہ

اسلام آباد: وزیرخارجہ شاہ محمود قریشی نے سعودی اور جنوبی کوریا کے وزرائے خارجہ کو ٹیلیفون کرکے مقبوضہ کشمیر کی صورت حال سے متعلق آگاہ کیا۔

تفصیلات کے مطابق شاہ محمود قریشی نے مقبوضہ کشمیر کی صورت حال کے حوالے سے اپنے سعودی اور جنوبی کورین ہم منصب سے فون پر رابطہ کیا ہے۔

شاہ محمود قریشی نے سعودی وزیر خارجہ عادل الجبیر اور جنوبی کوریا کی وزیرخارجہ کانگ کیونگ وہا کو مقبوضہ کشمیر میں بھارتی یکطرفہ اقدامات سے خطے میں امن کو درپیش خطرات سے آگاہ کیا۔

وزیرخارجہ نے کہا کہ مقبوضہ کشمیرکے شہری بدترین کرفیوکا سامنا کر رہے ہیں، بھارتی فوج گھروں میں گھس کرلوگوں کواغوا کر رہی ہے۔

انہوں نے کہا کہ مقبوضہ کشمیرمیں ذرائع مواصلات پرمکمل پابندی عائد کر دی ہے، مقبوضہ وادی میں اشیائے خوردونوش، ادویات کی شدید قلت ہے۔

شاہ محمود قریشی نے کہا کہ بھارتی جارحیت روکنے کے لیے عالمی برادری کو اپنا مؤثر کردار ادا کرنا ہو گا، بھارتی یکطرفہ اقدامات عالمی قوانین اور یواین کی قراردادوں کے منافی ہیں۔

سعودی عرب اور جنوبی کوریا کے وزرائے خارجہ نے خطے میں قیام امن کے لیے روابط کا سلسلہ جاری رکھنے پر اتفاق کیا۔

عمران خان اور سعودی ولی عہد کے درمیان ٹیلی فونک رابطہ

یاد رہے کہ تین روز قبل وزیراعظم عمران خان اور سعودی ولی عہد محمد بن سلمان کے درمیان ٹیلی فونک رابطہ ہوا تھا، اس دوران کشمیر کی تازہ صورت حال پر تبادلہ خیال کیا گیا تھا۔

Comments

comments

یہ بھی پڑھیں