The news is by your side.

Advertisement

مقبوضہ کشمیرمیں میڈیا کو رسائی دی جائے، شاہ محمود قریشی

اسلام آباد: وزیرخارجہ شاہ محمود قریشی کا کہنا ہے کہ بھارتی سرکار نہتے لوگوں پرپیلٹ گن کا استعمال بند کرے۔

تفصیلات کے مطابق وزیرخارجہ شاہ محمود قریشی نے مطالبہ کیا کہ مقبوضہ کشمیر سے فی الفورکرفیو ہٹایا جائے، مقبوضہ کشمیرمیں میڈیا کو رسائی دی جائے۔

شاہ محمود قریشی نے کہا کہ مقبوضہ کشمیر میں عید کی نماز، قربانی کیوں نہیں کرنے دی گئی۔ انہوں نے کہا کہ خاموش تماشائی امت مسلمہ مسئلہ کشمیر پر کب جاگے گی، امت مسلمہ کو کشمیر سے دلچسپی نہیں تو دین اسلام سے تو ہوگی۔

وزیرخارجہ نے کہا کہ جمعہ میں مسجدوں کو تالے لگا دیے جاتے ہیں اس کو ختم کیا جائے، ہمارا مطالبہ ہے مسجدوں کے تالے کھولے جائیں۔

انہوں نے کہا کہ پی ٹی آئی حکومت کی کوشش ہےکہ ملک میں خوشحالی آئے، روزگارکے مواقع پیدا ہوں، بچوں کی تعلیم کا بندوست کرسکیں۔

وزیرخارجہ شاہ محمود قریشی نے مزید کہا کہ بھارتی سرکار نہتے لوگوں پرپیلٹ گن کا استعمال بند کرے۔

مقبوضہ کشمیرمیں 64ویں روز بھی کرفیو

واضح رہے کہ مقبوضہ کشمیر میں آج مسلسل 64ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔

کشمیرمیڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔

Comments

comments

یہ بھی پڑھیں