The news is by your side.

Advertisement

’’آرمی چیف کی مدت ملازمت میں توسیع سے یکجہتی کا پیغام ملے گا‘‘

اسلام آباد: وزیر خارجہ شاہ محمود قریشی نے کہا ہے کہ آرمی چیف جنرل قمر جاوید باجوہ کی مدت ملازمت میں توسیع سے یکجہتی کا پیغام ملے گا۔

تفصیلات کے مطابق وزیر خارجہ شاہ محمود قریشی نے کہا ہے کہ حالات کے پیش نظر وزیراعظم نے آئینی اختیار استعمال کیا ہے، ملک و خطے میں امن کے لیے وزیراعظم نے آرمی چیف کی مدت ملازمت میں توسیع کی۔

کشمیر کی صورت حال پر گفتگو کرتے ہوئے شاہ محمود قریشی نے کہا کہ کرفیو ختم ہونے کے بعد مقبوضہ کشمیر میں بھارتی بربریت کا علم ہوگا، کرفیو کی وجہ سے اصل صورت حال سامنے نہیں آرہی ہے۔

انہوں نے کہا کہ اے ایف پی رپورٹ کے مطابق ہفتے کے روز کرفیو توڑنے کی کوشش کی گئی، بھارتی سیکیورٹی فورسز، کشمیریوں میں مڈبھیڑ کی اطلاعات ہیں۔

مزید پڑھیں: جنرل قمرباجوہ مزید تین سال کے لیے آرمی چیف مقرر

شاہ محمود قریشی نے کہا کہ بھارتی وزیر دفاع راج ناتھ کا غیرذمہ دارانہ بیان اور عزائم سب کے سامنے ہیں، پاکستان کی سیاسی اور عسکری قیادت ایک پیج پر ہے۔

دوسری جانب وفاقی وزیر سائنس اینڈ ٹیکنالوجی فواد چوہدری نے کہا ہے کہ آرمی چیف کے عہدے میں توسیع کا نوٹیفکیشن سنجیدگی کا اراک ہے۔

فواد چوہدری نے اپنے ٹویٹ میں لکھا کہ ہم تاریخ کے اہم دوراہے پر ہیں، جنرل قمر جاوید باوجوہ سیکیورٹی پالیسی کے تسلسل کی علامت ہیں۔

انہوں نے کہا کہ امید ہے فیصلے کو تاریخ میں جگہ ملے گی یہ فیصلہ سنگ میل ثابت ہوگا۔

خیال رہے کہ حکومتِ پاکستان نے آرمی چیف جنرل قمر جاوید باجوہ کو مزید تین سال کے لیے پاک فوج کا سالار مقرر کرنے کا نوٹی فکیشن جاری کردیا ہے۔

Comments

comments

یہ بھی پڑھیں