The news is by your side.

Advertisement

سندھ میں آسمانی بجلی سے جانی و مالی نقصان پر شاہ محمود متحرک

ملتان: صوبہ سندھ کے مختلف علاقوں میں آسمانی بجلی گرنے سے ہونے والے شدید جانی و مالی نقصان پر وزیر خارجہ شاہ محمود قریشی بھی متحرک ہو گئے ہیں۔

تفصیلات کے مطابق وزیر خارجہ شاہ محمود قریشی نے سندھ میں آسمانی بجلی گرنے سے جانی و مالی نقصان پر دکھ کا اظہار کیا ہے، انھوں نے کہا دکھ کی اس گھڑی میں تھر اور دیگر علاقوں کے متاثرین کے غم میں برابر کے شریک ہیں۔

شاہ محمود نے نے پی ٹی آئی کی صوبائی اور مقامی قیادت سے رابطہ کر کے متاثرہ علاقوں میں فوری امدادی سرگرمیاں شروع کرنے کی ہدایت جاری کر دی ہے۔

تازہ ترین:  سندھ میں آسمانی بجلی گرنے سے 26 افراد جاں بحق

خیال رہے کہ صوبہ سندھ کے ضلع تھرپارکر اور سانگھڑ میں بجلی گرنے کے واقعات میں اب تک خواتین اور بچوں سمیت 26 افراد جاں بحق ہو چکے ہیں، آسمانی بجلی نے بڑے پیمانے پر فصلوں، درجنوں مویشی اور نجی املاک کو بھی نقصان پہنچایا ہے۔

صحرائے تھر کے مختلف علاقوں میں گرج چمک کے ساتھ طوفانی بارش اور ژالہ باری کے ساتھ ساتھ بجلی گرنے کے واقعات بھی رونما ہوئے، جو شدید جانی و مالی نقصان کا سبب بنے ہیں۔ جن علاقوں میں آسمانی بجلی نے قیامت ڈھائی ان میں اسلام کوٹ، نگرپارکر، مٹھی، چھاچھرو، سانگھڑ کے علاقے کھپرو، خیرپور کے علاقے کوٹ ڈیجی شامل ہیں۔

خیر پور میں آسمانی بجلی گرنے سے ایک درخت کو آگ لگ گئی، جسے بجھانے کے لیے فائر بریگیڈ کا عملہ پہنچا۔

fb-share-icon0
Tweet 20

Comments

comments

یہ بھی پڑھیں