The news is by your side.

Advertisement

وزیر خارجہ شاہ محمود قریشی ایک روزہ دورے پر قطر روانہ

اسلام آباد: وزیرخارجہ شاہ محمود قریشی ایک روزہ سرکاری دورے پر قطر روانہ ہوگئے، اعلیٰ قطری عہدیداروں سے ملاقاتیں ہوں گی۔

تفصیلات کے مطابق وزیر خارجہ شاہ محمود قریشی ایک روزہ سرکاری دورے پر قطر روانہ ہوچکے ہیں، جہاں وہ اعلیٰ حکومتی عہدیداروں سے ملاقات کریں گے اور دوطرفہ تعلقات پر تبادلہ خیال ہوگا۔

وزیر خارجہ قطر روانہ ہونے کے لیے بغیر پروٹوکول کے ائیر پورٹ پہنچے، شاہ محمود قریشی ائیر پورٹ پر عام شہریوں کے ساتھ قطار میں کھڑے رہے۔

وزیرخارجہ بورڈنگ پاس لینے کے لیے عام مسافروں کی طرح مراحل سے گزرے، مسافروں نے وزیرخارجہ کو اپنے درمیان دیکھ کر خوشی کا اظہار کیا اور سیلفیاں بھی بنوائیں۔

وزیرخارجہ شاہ محمود قریشی 4 ملکی دورہ مکمل کرکے وطن واپس پہنچ گئے

خیال رہے کہ گذشتہ دنوں وزیر خارجہ شاہ محمود قریشی نے چار ملکی دورہ کیا تھا، دورے کے چوتھے اور آخری مرحلے میں انہوں نے روس کا دورہ کیا تھا۔

اس دوران شاہ محمود کے روسی وزیر خارجہ سرگئی لاروف کے درمیان وفود کی سطح پر مذاکرات ہوئے جس میں دو طرفہ تجارت، سرمایہ کاری اور امن و سلامتی پر گفتگو کی گئی تھی۔

قبل ازیں وزیر خارجہ چین کے دورے پر تھے جہاں انہوں نے چینی ہم منصب وانگ ژی سے ملاقات کی جس میں دو طرفہ تعلقات کو بہتر بنانے سمیت اہم علاقائی و عالمی امور پر تبادلہ خیال کیا گیا۔

اس سے قبل انہوں نے افغانستان اور ایران کا دورہ کیا جہاں انہوں نے اعلیٰ حکومتی عہدیداران سے ملاقات کی تھی۔ وزیر خارجہ نے افغانستان میں صدراتی محل میں افغان صدر اشرف غنی سے بھی ملاقات کی تھی۔

Comments

comments

یہ بھی پڑھیں