The news is by your side.

Advertisement

پاکستان کشمیری بھائیوں کو کسی صورت تنہا نہیں چھوڑے گا، شاہ محمود قریشی

کراچی: وزیر خارجہ شاہ محمود قریشی نے کہا ہے کہ پاکستان کشمیری بھائیوں کو کسی صورت تنہا نہیں چھوڑے گا۔

تفصیلات کے مطابق وزیراعظم کی ہدایت پر تشکیل دیئے گئے کشمیر سیل کا تیسرا اجلاس ہوا جس کی صدارت وزیر خارجہ شاہ محمود قریشی نے کی، شاہ محمود قریشی نے کہا کہ وزیراعظم نے آج مظفرآباد میں بھارت سمیت دنیا کو واضح پیغام دیا ہے۔

وزیر خارجہ نے حالیہ دورہ جنیوا اور میٹنگز کی تفصیلات سے آگاہ کرتے ہوئے کہا کہ مجھے بتاتے ہوئے اطمینان ہے کہ ہماری کاوشیں درست ثابت ہورہی ہیں، دنیا کا مقبوضہ کشمیر کی صورت حال پر تشویش کا اظہار غیرمعمولی ہے۔

مزید پڑھیں: مودی ہمت ہے تو کرفیو اٹھاؤ اور تماشہ دیکھو ، شاہ محمود قریشی

شاہ محمود قریشی نے کہا کہ سول سوسائٹی، ہیومن رائٹس تنظیموں نے کشمیر کی صورت حال پر تشویش کا اظہار کیا ہے، مقبوضہ کشمیر میں انسانی حقوق کی خلاف ورزیوں پر تحفظات کا اظہار کیا گیا۔

وزیر خارجہ نے کہا کہ 58 ممالک کی حمایت سے مشترکہ بیان کا جاری ہونا حوصلہ افزا ہے، آج بھارت کے سفاکانہ طرز عمل کے خلاف آوازیں اٹھ رہی ہیں، بھارت کے جھوٹے بیانیے کے قلعی کھل رہی ہے۔

انہوں نے کہا کہ یورپی یونین کی جانب سے بھی مثبت ردعمل سامنے آرہا ہے، اب کشمیر پہلی مرتبہ یورپین پارلیمنٹ میں بطور ایجنڈا زیر بحث آئے گا، جنرل اسمبلی میں وزیراعظم کشمیریوں کا مقدمہ دنیا کے سامنے پیش کریں گے۔

Comments

comments

یہ بھی پڑھیں