پی ٹی آئی کے رہنما اور سابق وزیر خارجہ شاہ محمودقریشی نے کہا ہے کہ شفاف اور منصفانہ الیکشن کرانا الیکشن کمیشن کی آئینی ذمہ داری ہے۔
اپنے بیان میں انہوں نے کہا کہ شفاف اور منصفانہ الیکشن کیلئے ریاست وسائل فراہم کرتی ہے، الیکشن کمیشن کوآئینی تحفظ بھی دیا گیا کہ کوئی مداخلت نہیں کرسکتا۔
شاہ محمود قریشی نے کہا کہ الیکشن کمیشن کو آئینی اختیارات دیے ہوئے ہیں، قوم توقع کرتی ہے الیکشن کمیشن ٹیکس پیئر کے پیسے پرکارکردگی دکھائے۔
انہوں نے کہا کہ اب کب تک پاکستان اس مرحلے سے دوچار رہے گا؟ ہمیں خودمختار آزاد الیکشن کمیشن کب ملے گا؟ جوڈیشل کمیشن قائم ہوا تو پی ٹی آئی نے پورا تعاون کیا۔
جوڈیشل کمیشن بنا اس کی اصلاحات کو سامنے رکھتے ہوئے آگے بڑھے، الیکٹورل ریفارمز کی اصلاحات، شفافیت کیلئے ہم آج بیٹھنے کو تیار ہیں۔
عوام کا اعتماد الیکشن کمیشن پر کم ہوتا جارہا ہے، کراچی میں ایک ضمنی الیکشن ہوا اسے بھی منیج نہیں کرسکے، تمام جماعتوں نےکراچی کےالیکشن کو مسترد کردیا۔
الیکشن کمیشن نے ساکھ کھودی تو آپ عام انتخابات دفن کردینگے، الیکشن کمیشن بہت بڑی آزمائش سے دوچار ہونے والا ہے، بڑی آزمائش پنجاب کے20ضمنی الیکشن ہیں۔
پنجاب کے20الیکشنزمیں الیکشن کمیشن نےاپنی ساکھ کھودی قوم نتائج قبول نہیں کریگی، الیکشن کمیشن نے ذمہ دای پوری نہیں کی جمہوریت کا مستقبل داؤ پر لگ جائے گا۔
