The news is by your side.

Advertisement

کشمیر کانفرنس میں شرکت کا مقصد عالمی ضمیر کو جھنجھوڑنا ہے، شاہ محمود قریشی

لندن : وزیر خارجہ شاہ محمود قریشی نے کہا ہے کہ بھارت کشمیریوں کے بنیادی حقوق کا احترام کرے، انٹرنیشنل کشمیر کانفرنس میں شرکت کا مقصد عالمی ضمیر کو جھنجھوڑنا ہے۔

یہ بات انہوں نے لندن میں ناروے کے سابق وزیراعظم سے ملاقات کے موقع پر کیا، ملاقات میں انٹرنیشنل کشمیر کانفرنس کے انعقاد پر تفصیلی تبادلہ خیال کیا گیا۔

شاہ محمود قریشی نے مقبوضہ کشمیر کے عوام سے اظہار یکجہتی کرنے پر سابق وزیراعظم ناروے کا شکریہ ادا کیا، ان کا کہنا تھا کہ مقبوضہ کشمیر میں جاری ظلم و ستم نے سنگین بحران کی سی کیفیت پیدا کر دی ہے، جس نے پوری دنیا کو چونکا کر رکھ دیا ہے۔

انہوں نے مزید کہا کہ ہم یہاں مظلوم کشمیریوں کے ساتھ اظہار یکجہتی اور ان کی آواز میں آواز ملا کر عالمی ضمیر جھنجھوڑنے آئے ہیں، انسانی حقوق کی سنگین خلاف ورزیوں کو دنیا کے سامنے لانے کا یہ نادر موقع ہے، بھارت نہتے کشمیریوں پر ظلم و ستم کا سلسلہ فی الفور بند کرے۔

شاہ محمود قریشی نے مزید کہا کہ بھارت کشمیریوں کے بنیادی حق اور ان کے حق خود ارادیت کا احترام کرے، بھارت مقبوضہ علاقے میں نافذ کالے قوانین منسوخ کرے۔

مزید پڑھیں : احتجاج کا خوف ، نریندر مودی کی آمد پر مقبوضہ کشمیر فوجی چھاؤنی میں تبدیل

اس موقع پر سابق وزیراعظم ناروے کا کہنا تھا کہ مقبوضہ کشمیرمیں انسانی حقوق خلاف ورزیوں پر عالمی برادری میں کافی تشویش پائی جاتی ہے، جموں و کشمیر انٹر نیشنل کانفرنس کا انعقاد ایک احسن اقدام ہے، اس طرح کی کانفرنس کا انعقاد تسلسل کے ساتھ ہوتے رہنا چاہیے۔

 

Comments

comments

یہ بھی پڑھیں