پاکستان ایران دوستی مضبوط ہے، مشکلات پر مل کر قابو پائیں گے، شاہ محمود قریشی -
The news is by your side.

Advertisement

پاکستان ایران دوستی مضبوط ہے، مشکلات پر مل کر قابو پائیں گے، شاہ محمود قریشی

اسلام آباد : وزیر خارجہ شاہ محمود قریشی نے کہا ہے کہ پاکستان اور ایران دوستی کے روایتی رشتے میں منسلک ہیں، مشکلات پر مل کر قابو پائیں گے۔

ان خیالات کا اظہار انہوں نے ایران کے وزیرخارجہ جواد ظریف سے ٹیلی فون پر گفتگو کرتے ہوئے کیا، ایرانی وزیر خارجہ نے اپنی گفتگو میں پاک ایران سرحد کے قریب ایرانی گارڈز کے لاپتہ ہونے کے واقعے کا ذکر کیا۔

وزیر خارجہ شاہ محمود قریشی نے واقعے پرگہری تشویش کا اظہار کرتے ہوئے پاکستان کے سیکیورٹی اداروں کی کوششوں سے آگاہ کیا۔

ترجمان دفتر خارجہ کے مطابق انہوں نے بتایا کہ اس حوالے سے دونوں ملکوں کے ڈی جی ملٹری آپریشنز ہاٹ لائن کے ذریعے مکمل رابطے میں ہیں لاپتہ ایرانی گارڈز کی بازیابی کیلئے فضائی اور زمینی سرچ آپریشن کیا جارہا ہے۔

وزیرخارجہ شاہ محمود قریشی کا مزید کہنا تھا کہ اس طرح کے واقعات مشترکہ دشمن کی کارروائی ہے، مشترکہ دشمن پاکستان ایران قریبی دوستانہ تعلقات پر ناخوش ہے، پاکستان اس طرح کی مذموم کوششیں کامیاب نہیں ہونے دے گا۔

دونوں ممالک امن اوردوستی کے روایتی رشتے میں منسلک ہیں، اس موقع پر ایرانی وزیرخارجہ جواد ظریف مشکلات پر پاکستان کے ساتھ مل کر قابو پائیں گے، پاک ایران سرحد پر مل کر امن کا قیام یقینی بنائیں گے۔

Comments

comments

یہ بھی پڑھیں