جہانگیرترین پارٹی میں دھڑےبندی کررہے ہیں، شاہ محمود قریشی -
The news is by your side.

Advertisement

جہانگیرترین پارٹی میں دھڑےبندی کررہے ہیں، شاہ محمود قریشی

لاہور : پاکستان تحریک انصاف کے مرکزی رہنما شاہ محمود قریشی نے کہا ہے کہ جہانگیرترین کایونٹی گروپ پارٹی میں تقسیم،دھڑےبندی کررہاہے، جہانگیرترین یا چوہدری سرورسےٹکٹ لینا پڑا تو میں سیاست چھوڑدوں گا۔

ان خیالات کا اظہار انہوں نے لاہور میں ایک تقریب سے خطاب کرتے ہوئے کیا، شاہ محمود قریشی اپنے خطاب میں چودھری سرور اور جہانگیر ترین کے یونٹی گروپ پر برس پڑے۔

انہوں نے کہا کہ ٹکٹیں صرف وفاداراورکارکردگی دکھانے والےکارکنوں کوہی ملیں گی ،پیسےکی بنیادپرکوئی ٹکٹوں کی فروخت کاسوچےبھی نہیں، دھڑے بندی اور نظریہ بندی میں تمیز کرنا ہوگی۔

ان کا کہنا تھا کہ میں نےپارٹی میں گروپ بندی نہیں کی نہ گروپ بندی کاقائل ہوں۔ ان کا مزید کہنا تھا کہ آزاد عدلیہ کی جنگ میں حامد خان کا چہرہ دکھائی دیتا تھا۔

دھرنے میں کارکنوں پر جب شیلنگ ہوتی تھی تو وہاں یاسمین راشد دکھائی دیتی تھی، لیکن اب چودھری سرور اور جہانگیر ترین کہتے پھر رہے ہیں کہ آئندہ ٹکٹیں وہ دیں گے۔

 

Comments

comments

یہ بھی پڑھیں