The news is by your side.

Advertisement

ہمارے نمبر پورے ہیں حکومت بنانے کی پوزیشن میں آچکے ہیں: شاہ محمود قریشی

اسلام آباد: پاکستان تحریک انصاف کے رہنما شاہ محمود قریشی کا کہنا ہے کہ مرکز میں ہم مکمل طور پر مطمئن ہیں، ہمارے نمبر پورے ہیں حکومت بنانے کی پوزیشن میں آچکے ہیں۔

تفصیلات کے مطابق پاکستان تحریک انصاف کے رہنما شاہ محمود قریشی نے میڈیا سے گفتگو کرتے ہوئے کہا کہ عالمی مبصرین نے الیکشن کو شفاف قرار دیا ہے۔

انہوں نے کہا کہ انتخابی عمل سے غیر مطمئن جماعتوں نے آل پارٹیز کانفرنس بلائی۔ بیشتر جماعتوں نے مولانا فضل الرحمٰن کی بائیکاٹ کی تجویز مسترد کردی۔ ’جمہوری عمل متاثر ہونے کے خدشے کے باعث تجویز مسترد کی گئی‘۔

شاہ محمود قریشی نے کہا کہ دہرے معیار کے تحت سیاسی جماعتیں نہیں چل سکتیں۔ پاکستان کے عوام نے عمران خان کے نظریے کو تسلیم کیا۔ اسٹاک مارکیٹ میں الیکشن کے بعد استحکام آیا، روپیہ مستحکم ہوا۔

انہوں نے کہا کہ جتنے بھی طبقے ہیں الیکشن تسلیم کرتے ہوئے آگے بڑھنے کی خواہش رکھتے ہیں۔ ’عوام ہمارا ساتھ دیں اور رخنہ اندازی کرنے کی کوشش کرنے والوں کو مسترد کریں‘۔

شاہ محمود قریشی نے کہا کہ عمران خان عوام کے وزیر اعظم بن کر سامنے آئیں گے۔ مرکز میں ہم مکمل طور پر مطمئن ہیں، ہمارے نمبر پورے ہیں حکومت بنانے کی پوزیشن میں آچکے ہیں‘۔

انہوں نے کہا کہ پختونخواہ کی عوام نے صرف دوسرا موقع ہی نہیں بلکہ لینڈ سلائیڈنگ وکٹری دی۔ مجھ سمیت پارٹی کے دیگر رہنماؤں سے آزاد امیدواروں کے رابطے ہیں۔ ’بلوچستان میں بھی ہم حلیفوں کے ساتھ حکومت بنانے میں کامیاب ہوں گے‘۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں