بھارت مقبوضہ کشمیر میں ظلم کررہا ہے، عالمی دنیا خاموش ہے، شاہ محمود قریشی
The news is by your side.

Advertisement

بھارت مقبوضہ کشمیر میں ظلم کررہا ہے، عالمی دنیا خاموش ہے، شاہ محمود قریشی

لندن: وزیر خارجہ شاہ محمود قریشی نے کہا ہے کہ مسئلہ کشمیر حل طلب مسئلہ ہے، اسے بات چیت سے حل کیا جائے، بھارت مقبوضہ کشمیر میں ظلم کررہا ہے، عالمی دنیا خاموش ہے۔

تفصیلات کے مطابق وزیر خارجہ شاہ محمود قریشی نے لندن ایئرپورٹ پر میڈیا سے گفتگو کرتے ہوئے کہا کہ عالمی کانفرنس میں مقبوضہ کشمیر کی صورت حال پر تبادلہ خیال ہوگا، پاکستان کا نقطہ نظر پیش کریں گے۔

دنیا سو رہی ہے، مقبوضہ کشمیر کے عوام جاگ رہے ہیں

شاہ محمود قریشی

شاہ محمود قریشی نے کہا کہ مودی کی مقبوضہ کشمیر آمد پر مکمل شٹر ڈاؤن ہڑتال تھی، کیا مقبوضہ کشمیر میں ہڑتال پاکستان نے کرائی تھی، پاکستان پرامن ملک ہے ہم لڑائی نہیں چاہتے۔

انہوں نے کہا کہ نہتے کشمیریوں پر پیلٹ گنز کا استعمال کیا جارہا ہے، مقبوضہ کشمیر کی صورت حال تیزی سے بگڑ رہی ہے، دنیا میں جمہوریت کا سب سے بڑا دعویدار بھارت کشمیر میں ظلم کررہا ہے، کشمیری اپنے حق خود ارادیت کے جذبے پر قائم ہیں۔

وزیر خارجہ نے کہا کہ دنیا سو رہی ہے، مقبوضہ کشمیر کے عوام جاگ رہے ہیں، مسئلہ کشمیر پر قومی اتفاق رائے موجود ہے، مقبوضہ وادی میں انٹرنیٹ سروس کیوں معطل کی جاتی ہے، کسی مذہب میں انسانی حقوق کی خلاف ورزی کی اجازت نہیں ہے۔

مزید پڑھیں: نریندرمودی کے دورے پرمقبوضہ کشمیرمفلوج کر دیا گیا ہے‘ مشعال ملک

شاہ محمود قریشی نے کہا کہ جمہوریت میں فیصلہ کن قوت عوام ہوتی ہے، جمہوریت کا سرچشمہ عوام ہیں، نواز شریف سے ڈیل کا مجھے علم نہیں ہے۔

انہوں نے کہا لندن میں سیاست پر بات نہیں کرنے آیا، پاکستانیوں کو جوڑنے آیا ہوں، مقبوضہ کشمیر پر کانفرنس میں شرکت کرنے کے لیے آیا ہوں۔

Comments

comments

یہ بھی پڑھیں