The news is by your side.

Advertisement

ملک کا خزانہ خالی ہے، سیاست دانوں کے بیرون ملک اکاؤنٹ بھرے ہیں، شاہ محمود قریشی

ملتان: پاکستان تحریک انصاف کے مرکزی رہنما شاہ محمود قریشی نے کہا ہے کہ کچھ سیاست دانوں کے پاس کچھ نہیں تھا آج ارب پتی ہیں، ملک کا خزانہ خالی ہے سیاست دانوں کے بیرون ملک اکاؤنت بھرے ہیں۔

ان خیالات کا اظہار انہوں نے ملتان میں میڈیا سے گفتگو کرتے ہوئے کیا، شاہ محمود قریشی نے کہا کہ کئی سیاست دان جعلی ڈگریوں، دہری شہریت، نادہندہ اور نیب زدہ نکل آئے ہیں۔

ٹکٹوں کی تقسیم میں غلطی بھی ہوسکتی ہے، کارکنان بڑے کام میں ساتھ دیں، پارٹی ٹکٹوں کے خواہش مند بہت ہیں ہر کسی کو ٹکٹ نہیں مل سکتا ہے

شاہ محمود قریشی

شاہ محمود قریشی کے مطابق پنجاب میں آج پیپلزپارٹی کا ٹکٹ لینے والا کوئی نہیں ہے، الیکشن میں تحریک انصاف اور مسلم لیگ (ن) کا مقابلہ ہے، رات کٹ گئی اب اجالا ہونے والا ہے۔

انہوں نے کہا کہ پانچ سال اپوزیشن میں رہے، کارکنوں نے ڈٹ کر ہمارا ساتھ دیا، ٹکٹوں کی تقسیم میں غلطی بھی ہوسکتی ہے، کارکنان بڑے کام میں ساتھ دیں، پارٹی ٹکٹوں کے خواہش مند بہت ہیں ہر کسی کو ٹکٹ نہیں مل سکتا ہے۔

تحریک انصاف کے رہنما نے کہا کہ پانچ میں سے چار سال ملک کا وزیر خارجہ نہیں تھا، ملک میں سرمایہ کاری نہین ہورہی، قرضہ بڑھ رہا ہے، لوڈ شیڈنگ کا خاتمہ نہیں ہوسکا۔

شاہ محمود قریشی نے کہا کہ انتخابی مہم کے آغاز کا اعلان کررہا ہوں، ملتان میں لوگ انتقامی کارروائیوں کا شکار رہے، ترقیاتی کاموں کے لیے ایک روپیہ نہیں دیا گیا، ہمیں وفاداریاں تبدیل کرنے کے لیے دعوتیں دی گئیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں