تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

مودی کی حماقت سے مقبوضہ کشمیر میں حالات مزید خراب ہوسکتے ہیں، شاہ محمود قریشی

نیویارک: وزیر خارجہ شاہ محمود قریشی نے کہا ہے کہ مودی کی حماقت سے مقبوضہ کشمیر میں حالات مزید خراب ہوسکتے ہیں۔

تفصیلات کے مطابق وزیر خارجہ شاہ محمود قریشی نے نیویارک میں میڈیا سے گفتگو کرتے ہوئے کہا کہ مودی کے اقدامات اقوام متحدہ عالمی قوانین کی خلاف ورزی ہے، وزیراعظم جنرل اسمبلی میں کشمیریوں کا مقدمہ پیش کریں گے۔

انہوں نے کہا کہ ایمنسٹی انٹرنیشنل کے انڈیا چیپٹر نے رپورٹ میں بھارتی حکومت کی زیادتیوں کا ذکر کیا ہے، ایمنسٹی انڈیا چیپٹر کو سرگرمیاں جاری رکھنے کے لیے بھارتی عدالت سے رجوع کرنا پڑتا ہے، ان کے اکاؤنٹس بند کیے جاتے ہیں۔

شاہ محمود قریشی نے کہا کہ مقبوضہ کشمیر میں لوگوں کو اسپتالوں تک رسائی میں مشکلات ہیں، وزیراعظم مقبوضہ کشمیر کی صورت حال دنیا کے سامنے پیش کرنے آئے ہیں۔

وزیر خارجہ نے کہا کہ وزیراعظم نے ایمنسٹی انٹرنیشنل کے مقبوضہ کشمیر میں کردار کو سراہا ہے، کشمیریوں کے لیے آواز بلند کرنے پرلنزے گراہم کا شکریہ ادا کیا ہے، لنزے گراہم سے کشمیریوں کے لیے آواز بلند کرتے رہنے کی درخواست کی ہے۔

انہوں نے کہا کہ افغانستان کے مسئلے کا کوئی فوجی حل نہیں ہے، درخواست کی طالبان سے مذاکرات کا عمل بحال کیا جائے، افغان امن عمل بحال نہ ہوا تو حالات مزید خراب ہوں گے۔

شاہ محمود قریشی نے کہا کہ طالبان اور افغان حکومت کو بات چیت سے مستقبل کا فیصلہ کرنا ہوگا، امریکی ایلچی زلمے خلیل زاد نے امن عمل میں پاکستان کے کردار کو سراہا ہے۔

انہوں نے کہا کہ امریکا میں بھارت کے خلاف مظاہرے لوگ خود کررہے ہیں، پاکستانی، کشمیری کمیونٹی کو نیویارک میں مظاہرے کی اجازت مل گئی ہے، مظاہرے میں انسانی حقوق کی تنظیمیں بھی شریک ہوں گی۔

Comments

- Advertisement -