The news is by your side.

Advertisement

وزیراعظم نے اپنے خطاب میں ہندوستان کو بےنقاب کیا، شاہ محمود قریشی

نیویارک : وزیر خارجہ شاہ محمود قریشی نے کہا ہے کہ وزیراعظم عمران خان نے اپنے خطاب میں ہندوستان کو بےنقاب کرتے ہوئے واضح طریقے سے پاکستان کا نقطہ نظر بیان کیا۔

شاہ محمودقریشی نے کہا کہ بھارت مقبوضہ کشمیر میں انسانی حقوق پامال کررہا ہے، وزیراعظم نےعوام کی نظر میں اہمیت رکھنےوالے ہر موضوع کو چھوا، عوام کےنزدیک جموں و کشمیر کی اہمیت کسی سے ڈھکی چھپی نہیں۔

انہوں نے کہا کہ پاکستان نے دہشت گردی کو کچلنے کیلئےاقدامات اٹھائے، پاکستان نے امن کے فروغ اورانخلامیں مدد کیلئے اقدامات کیے، وزیراعظم نے اسلامو فوبیا کو روکنے کیلئےعالمی مکالمے کا مطالبہ کیا۔

وزیر خارجہ نے کہا کہ افغانستان میں امن وخوشحالی کیلئے حکمت عملی بنانے کی ضرورت ہے، ضرورت اس امر کی ہے کہ ہم افغانستان میں استحکام کے لیے سر جوڑیں۔

وزیرخارجہ شاہ محمود قریشی نے وزیراعظم عمران خان کے اقوام متحدہ کی جنرل اسمبلی سے خطاب کے موقع  پر متعدد عالمی رہنماؤں سے ملاقاتیں کیں اورانہیں مسئلہ کشمیر،افغانستان کی صورتحال اور پاکستان کی کوششوں سےآگاہ کیا۔

وزیر خارجہ شاہ محمود قریشی نےامریکی ہم منصب سے دوستانہ ماحول میں افغانستان کی صورتحال پر بات چیت کی، جنرل اسمبلی کےصدر کو ملاقات میں شاہ محمود قریشی نے مقبوضہ جموں وکشمیر میں انسانی حقوق کی سنگین پامالیوں سےآگاہ کیا اوربھارتی جنگی جرائم کےشواہد پرمشتمل ڈوزیئر پیش کیا۔

سعودی عرب، ترکی اورآذربائیجان کے وزرائے خارجہ سے ملاقات میں مسئلہ کشمیر کی اہمیت پر بات ہوئی۔ رومانیہ کے وزیرخارجہ سے ملاقات میں شاہ محمود قریشی نےافغان صورتحال،آئندہ کےلائحہ عمل پر ملکی مؤقف سےآگاہ کیا، رومانیہ کے وزیرخارجہ نے شہریوں کےانخلا میں معاونت پر پاکستان کا شکریہ ادا کیا۔

Comments

یہ بھی پڑھیں