The news is by your side.

Advertisement

پاکستان افغانستان میں امن کے لئے ہمیشہ بھرپور کردار ادا کرتا رہے گا : شاہ محمود قریشی

افغانستان کے دیرینہ مسئلے کو بات چیت سے حل کرنے کا وقت آگیا: عمر داؤد زئی

اسلام آباد: وزیرخارجہ شاہ محمود قریشی کی افغان صدر کے نمائندہ خصوصی عمر داؤد زئی سے ملاقات ہوئی.

تفصیلات کے مطابق اِس ملاقات میں افغان مفاہمتی عمل سمیت اہم علاقائی اور عالمی امورپر تبادلہ خیال کیا گیا.

افغان صدر کے نمائندہ خصوصی عمر داؤدزئی نے کہا کہ افغانستان کے دیرینہ مسئلے کو بات چیت سے حل کرنے کا وقت آگیا.

اس موقع پر  وزیر خارجہ نے افغان نمائندے کو افغان امن کے لئے پاکستان کے کردار سے آگاہ کیا.

شاہ محمود قریشی نے کہا کہ پاکستان نے افغان مسئلے کے سیاسی، دیرپا حل کے لئے اہم کردارادا کیا ہے، پاکستان کے مؤقف، کاوشوں کی آج دنیا بھی تائید کر رہی ہے.

پاکستانی وزیر خارجہ نے کہا کہ افغانستان میں امن نہ صرف افغان عوام بلکہ خطے کے لئے امن کا ضامن ہے، پاکستان افغانستان میں امن کے لئے ہمیشہ بھرپور کردار ادا کرتا رہے گا.


مزید پڑھیں: پاکستان افغانستان میں دیرپا امن کے لئے کوشاں ہے: آرمی چیف جنرل قمر جاوید باجوہ


اس موقع پر افغان نمائندہ خصوصی نے خطے میں استحکام کے لئے پاکستان کی کاوشوں کو سراہا۔

یاد رہے کہ عمرداؤد زئی آج پاکستان پہنچے ہیں، وہ 11جنوری تک پاکستان کے دورے پر ہیں، توقع کی جارہی ہے کہ اس دورے کے توسط سے افغان امن عمل کے امکانات مزید وسیع ہوں گے۔

Comments

comments

یہ بھی پڑھیں