The news is by your side.

Advertisement

افغانستان کا امن خطے کی تعمیر و ترقی کے لیے ناگزیر ہے: شاہ محمود قریشی

اسلام آباد: وزیر خارجہ شاہ محمود قریشی نے کہا ہے کہ افغانستان کا امن خطے کی تعمیر و ترقی کے لیے ناگزیر ہے.

ان خیالات کا اظہار انھوں نے پاک افغان ٹریک ٹو پراجیکٹ سے وابستہ اعلیٰ سطح وفد سے ملاقات پر کیا، یہ ملاقات وزارت خارجہ کے دفتر میں‌ ہوئی.

اس موقع پر پاک افغان تعلقات، امن عمل سمیت مختلف باہمی دلچسپی کے امور پر تفصیلی تبادلہ خیال ہوا.

شاہ محمود قریشی نے کہا کہ پاکستان اور افغانستان میں تاریخی، ثقافتی، مذہبی تعلقات ہیں، تعلقات باہمی اعتماد کے فقدان کے سبب سرد مہری کا شکار  رہے.

مزید پڑھیں: امریکا افغانستان میں خود کو فاتح ظاہر کرانا چاہتا ہے، شیری رحمان

انھوں نے کہا کہ پاکستان افغانستان کی داخلی خود مختاری کا احترام کرتا ہے، پاکستان افغانستان میں امن و استحکام کا خواہاں ہے، افغانستان کا امن خطے کی تعمیر و ترقی کے لیے ناگزیر ہے.

شاہ محمود قریشی نے مزید کہا کہ خلوص دل سےافغان امن عمل میں مصالحانہ کردار ادا کیا، بھوربن میں افغانستان کےصف اول کے قائدین سے ملاقات ہوئی.

وزیر خارجہ نے کہا کہ چینی اور افغان وزرائے خارجہ کو سہ فریقی کانفرنس میں شرکت کی دعوت دی ہے، سہ فریقی کانفرنس جلد اسلام آباد میں منعقد ہو گی.

Comments

comments

یہ بھی پڑھیں