The news is by your side.

Advertisement

45 دن کے مہمان 12 ماہ کا بجٹ پیش کرنا چاہ رہے ہیں: شاہ محمود قریشی

اسلام آباد: پاکستان تحریک انصاف کے رہنما شاہ محمود قریشی کا کہنا ہے کہ ٹیکس ایمنسٹی اسکیم کو بجٹ میں پیش کرنا چاہیئے تھا۔ 45 دن کے مہمان 12 ماہ کا بجٹ پیش کرنا چاہ رہے ہیں۔

تفصیلات کے مطابق پاکستان تحریک انصاف کے رہنما شاہ محمود قریشی کا کہنا ہے کہ ٹیکس ایمنسٹی اسکیم کو بجٹ میں پیش کرنا چاہیئے تھا۔ اسکیم میں خاص طبقے کو رعایت دینے کی کوشش کی جا رہی ہے۔

انہوں نے کہا کہ ایمنسٹی اسکیم چوری اور ملک لوٹنے والوں کے لیے ہے۔ حکومت کا انحصار ان ڈائریکٹ ٹیکس پر رہا ہے۔ حکومت کی ٹیکس ایمنسٹی اسکیم کو مسترد کرتے ہیں۔ ماضی کی طرح گرے لسٹ سے ہم بلیک لسٹ میں نہ چلے جائیں۔

شاہ محمود قریشی کا کہنا تھا کہ موجودہ حکومت پہلی ہوگی جو 5 سال میں چھٹابجٹ پیش کرنا چاہتی ہے۔ 45 دن کے مہمان 12 ماہ کا بجٹ پیش کرنا چاہ رہے ہیں۔ حکومت کا 12 ماہ کا بجٹ منظور نہیں کریں گے۔ ’پاکستان سے زیادہ افغانستان کی پالیسی مستحکم دکھائی دے رہی ہے‘۔

انہوں نے مزید کہا کہ سپریم کورٹ کو معاملات دیکھنے پڑ رہے ہیں، یہ حکومت کی ناکامی ہے۔ ’مسلم لیگ ن نے کہا تھا کہ 2018 میں کہیں لوڈ شیڈنگ نہیں ہوگی‘۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں