The news is by your side.

Advertisement

‘پی ٹی آئی رہنماؤں پر مقدمات حکومت کی پنجاب میں ضمنی انتخابات کے خلاف منصوبہ بندی ہے’

اسلام آباد : تحریک انصاف کے رہنما شاہ محمود قریشی کا کہنا ہے کہ پی ٹی آئی رہنماؤں پر مقدمات حکومت کی پنجاب میں ضمنی انتخابات کے خلاف منصوبہ بندی ہے۔

تفصیلات کے مطابق پی ٹی آئی لانگ مارچ کے دوران پی ٹی آئی رہنماؤں پر مقدمات کی سماعت میں شاہ محمود، عمران اسماعیل، عامر کیانی سیشن عدالت میں پیش ہوئے۔

اس موقع پر پی ٹی آئی رہنما شاہ محمودقریشی نے میڈیا سے گفتگو کرتے ہوئے کہا آج پی ٹی آئی کی قیادت جھوٹی ایف آئی آر میں پیش ہوئی، ہمارے وکلا نے درخواست کی کہ ہمارے ضمانت منظور کی جائے، آج میرے ساتھ پی ٹی آئی کے دیگر رہنما بھی ساتھ تھے۔

شاہ محمودقریشی کا کہنا تھا کہ مقدمات حکومت کی پنجاب میں ضمنی انتخابات کے خلاف منصوبہ بندی ہے، ہمیں من گھڑت کیسز میں پھنسایا گیا ، ہم عدالت سے انصاف کی امید کرتے ہیں۔

انھوں نے مزید کہا کہ ہمارامؤقف ہے بلاوجہ پی ٹی آئی کوکیسزمیں الجھایاجارہاہے ، یہ چاہتے ہیں تمام قیادت جیلوں میں چلی جائےتاکہ یہ جوچاہے مرضی کریں۔

رہنما پی ٹی آئی کا کہنا تھا کہ ہم انصاف کے خاطرعدالت آئےہیں ،25 کےقریب مقدمات تھے ، 20 جون کو کیسزکی سماعت ہے، ہم پیش ہوں گے اور ہمارے وکلا دلائل دیں گے۔

شاہ محمودقریشی نے مزید کہا کہ پنجاب کے ضمنی انتخابات پراثراندازہونے کی کوشش ہورہی ہے تاکہ پی ٹی آئی قیادت کیسز میں الجھی رہےاورانتخابی مہم میں حصہ نہ لے سکے۔

Comments

یہ بھی پڑھیں