The news is by your side.

Advertisement

معیشت کی مضبوطی کے لئے پی ٹی آئی کا ساتھ دیں: شاہ محمود قریشی

لاہور: پاکستان تحریک انصاف کے وائس چیئرمین شاہ محمود قریشی نے کہا ہے کہ 2018 کا الیکشن ملک کی تقدیر بدل سکتا ہے۔

پی ٹی آئی کا ن لیگ اور پیپلزپارٹی سے مقابلہ ہے، یہ اہم موقع ہے، کارکنان عمران خان کے ہاتھ مضبوط کریں۔

شاہ محمود قریشی

تفصیلات کے مطابق پی ٹی آئی رہنما نے آیندہ الیکشن کو پاکستان کے لیے ٹرننگ پوائنٹ قرار دے دیا، ان کا کہنا تھا کہ  ٹکٹوں کی تقسیم کا مرحلہ مکمل ہوچکا ہے۔

شاہ محمودقریشی کا کہنا تھا کہ پی ٹی آئی کا ن لیگ اور پیپلزپارٹی سے مقابلہ ہے، یہ اہم موقع ہے، کارکنان عمران خان کے ہاتھ مضبوط کریں۔

سابق وزیر خارجہ کا کہنا تھا کہ ٹکٹ تقسیم کیے جاچکے ہیں، البتہ جو کارکن ناراض ہیں انھیں منانا ہمارا فرض ہے۔

انھوں نے مزید کہا کہ عوام معیشت کی مضبوطی کے لئے پی ٹی آئی کا ساتھ دیں۔

یاد رہے کہ گذشتہ روز اپنے ایک اہم بیان میں پارٹی کے سینئر رہنما نے کہا تھا کہ جہانگیر ترین کا پی ٹی آئی میں اہم رول تھا اور رہے گا، سیاسی جماعتوں میں سب لوگ ساتھ چلتے ہیں، جہانگیرترین اور میں مل کرمہم چلائیں گے.

یاد رہے کہ ایک طویل عرصے سے جہانگیر ترین اور شاہ محمود قریشی کے درمیان اختلافات کی خبریں‌ گردش کر رہی ہیں.


جہانگیر ترین اورمیں مل کر پی ٹی آئی کی مہم چلائیں گے: شاہ محمد قریشی


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں