The news is by your side.

Advertisement

کرفیو کے باوجود کشمیری بھارت کے خلاف احتجاج کے لیے باہر نکل رہے ہیں: شاہ محمود قریشی

اسلام آباد: پاکستانی وزیر خارجہ شاہ محمود قریشی نے کہا ہے کہ کرفیوکے باوجود کشمیری باہرنکل رہے ہیں، اندازہ لگائیں، جب کرفیو ہٹے گا، تو کیا کیفیت ہوگی.

تفصیلات کے مطابق پاکستانی وزیر خارجہ نے بعد مقبوضہ کشمیر میں ہونے والے مظاہروں پر رائے دیتے ہوئے کہا کہ گزشتہ روز جو احتجاج ہوا، وہ آج بھی جاری ہے.

شاہ محمود قریشی نے کہا کہ کشمیریوں کو فائرنگ اورکرفیو سے دبانے کی کوشش کی جارہی ہے، چین نے بھی واضح مؤقف دیا ہے، ہمیں محتاط ہونا ہے، خدشہ ہے پلواما جیسا واقعہ دہرایا جائے گا.

وزیر خارجہ نے کہا کہ خدشہ ہے کہ پلواما جیسا واقعہ دہرا کرپاکستان مخالف پروپیگنڈا کیا جائے گا، بھارتی سابق وزیراعلیٰ عمرعبداللہ کی پارٹی نے بھی اقدام کوعدالت میں چیلنج کیا.

مزید پڑھیں: مقبوضہ کشمیر میں‌ بھارت مخالف مظاہرے، پولیس کی فائرنگ سے متعدد افراد زخمی

شاہ محمود قریشی کا کہنا تھا کہ بھارت میں بھی مودی کےغیرقانونی اقدامات کوعدالتوں میں چیلنج کیا جائے گا، کشمیر ایسا ایشو ہے، جس پرقوم کی کسی صورت تسلیم نہیں نظرآنی چاہیے، کشمیر کے ایشوپر اگر ہم تقسیم ہوگئے، تو کشمیریوں کو مورال نہیں بڑھے گا.

واضح کہتاہوں جوبھی کشمیریوں کا ساتھ نہیں دے گا، وہ محب وطن نہیں ہوسکتا، کشمیریوں کو کسی صورت نہیں دبایا جا سکتا، پاکستان کشمیریوں کیساتھ کھڑ اہے.

Comments

comments

یہ بھی پڑھیں