The news is by your side.

Advertisement

بھارت کا نہتے کشمیریوں پر ظلم و ستم اب دنیا کے سامنے آگیا ہے: شاہ محمود قریشی

اسلام آباد: وزیر خارجہ شاہ محمودقریشی نے کہا ہے کہ بھارت کا نہتے کشمیریوں پر ظلم و ستم پوری دنیا کے سامنے آگیا ہے.

ان خیالات کا اظہار انھوں نے صدر پی ٹی آئی آزاد کشمیرسلطان محمود سے ملاقات کے موقع پر کیا. ان کا کہنا تھا کہ کشمیر ہماری خارجہ پالیسی کا اہم ستون ہے.

وزیر خارجہ شاہ محمود قریشی نے کہا کہ بھارت کا کشمیر میں رویہ دنیا کے سامنے ہے، انسانی حقوق کی تنظیموں، عالمی اداروں کو مظالم کا نوٹس لینا چاہیے.

شاہ محمودقریشی کا کہنا تھا کہ مسئلہ کشمیر پرہمارامؤقف بالکل واضح اوردو ٹوک ہے.

اس ملاقات میں پارٹی امور اور مسئلہ کشمیر سے متعلق خصوصی گفتگو کی گئی، سلطان محمود نےمسئلہ کشمیرعالمی سطح پراجاگرکرنے پرشاہ محمود قریشی کا شکریہ ادا کیا.


مزید پڑھیں: مقبوضہ کشمیر: بھارتی مظالم کی انتہا، درجنوں نہتے کشمیری گرفتار

یاد رہے کہ اس وقت بھارتی فوج نے کشمیر میں‌ ظلم و ستم کا بازار گرم کر رکھا ہے.

مقبوضہ کشمیر کے اسیر شہریوں کے لیے سال 2018 انتہائی بدقسمت رہا، ایک سال میں قابض بھارتی فوج نے حاملہ خواتین، بچوں اور اسکالرز سمیت 355 شہری شہید کردیے۔

واضح رہے کہ مقبوضہ کشمیر میں بھارتی فوج آزادی کی آواز کو دبانے کے لیے پیلٹ گن سمیت مختلف ہتھکنڈے استعمال کررہی ہے۔

Comments

comments

یہ بھی پڑھیں