The news is by your side.

Advertisement

کشمیریوں کوتشدد کا نشانہ بنایا جارہا ہے،عالمی برادری بھارت کا احتساب کرے ، شاہ محمودقریشی

اسلام آباد : وزیر خارجہ شاہ محمود قریشی نے کہا برطانوی نشریاتی ادارے نے بھارتی مظالم کا پردہ چاک کردیا، کشمیریوں کو تشدد کا نشانہ بنایا جارہاہے، عالمی برادری بھارت کا احتساب کرے۔

تفصیلات کے مطابق وزیر خارجہ شاہ محمود قریشی نے کشمیریوں سے اظہار یکجہتی کے موقع پر کہا کشمیری غیر قانونی بھارتی قبضہ میں تکالیف کا سامنا کررہے ہیں، بھارتی فوج کے ہاتھوں کشمیریوں کو تشدد کا نشانہ بنایا جارہاہے، عالمی برادری بھارت کا احتساب کرے۔

شاہ محمودقریشی کا کہنا تھا کہ برطانوی نشریاتی ادارے نے بھارتی مظالم کا پردہ چاک کردیا، کشمیریوں پر تشدد عالمی قوانین اورجنیوا کنونشن کی خلاف ورزی ہے۔

گذشتہ روز شاہ محمود قریشی نے کہا تھا کہ مودی کی حماقت نے مسئلہ کشمیرکو فلیش پوائنٹ بنا دیا، بھارتی سپریم کورٹ میں مودی کےغیر قانونی اقدام کے خلاف14 درخواستیں دائرکی گئیں، بھارتی سپریم کورٹ پر انتہا پسند ہندو تنظیموں کا شدید دباؤ ہے۔

ان کا کہنا تھا کہ مسئلہ کشمیر پرپوری پاکستانی قوم کا واضح اورایک مؤقف ہے، مسئلہ کشمیر پرچین کی مشاورت کے ساتھ سلامتی کونسل گئے، سلامتی کونسل میں مسئلہ کشمیر اٹھنے پر بھارتی اندرونی معاملات کے بیانئےکی قلعی کھل گئی، سلامتی کونسل میں 54سال کے بعدبہ طور عالمی تنازعہ مسئلہ کشمیر زیربحث آیا، آج پاکستان کی منتخب سول قیادت اور عسکری حکام ایک صفحے پر ہیں۔

مزید پڑھیں : مودی کی حماقت نے مسئلہ کشمیر کو فلیش پوائنٹ بنا دیا: شاہ محمود قریشی

وزیر خارجہ نے کہا تھا کہ غیرقانونی اقدام پر بھارتی سیاسی جماعتیں بھی ایک پیج پر نہیں، بھارتی اقدام کے خلاف بھارتی سپریم کورٹ میں بھی کیس دائر ہے، بھارتی سپریم کورٹ کا امتحان ہے، کیوں کہ ہند توا کا دباؤ ہے، پاکستانی قوم کو متحد ہونے کی ضرورت ہے۔

ان کا مزید کہنا تھا کہ مایوسی کی ضرورت نہیں،قوموں پر ایساوقت آتا ہے، ہم دیکھنا یہ ہے کہ کیسے آگے بڑھنا ہے، بھارت نے لابنگ کی ہے مقبوضہ کشمیر اندرونی مسئلہ ہے۔

Comments

comments

یہ بھی پڑھیں