پاکستان کا امریکا اور برطانیہ سمیت اہم ممالک میں نئی سفارتی تقرریوں کا اعلان -
The news is by your side.

Advertisement

پاکستان کا امریکا اور برطانیہ سمیت اہم ممالک میں نئی سفارتی تقرریوں کا اعلان

اسلام آباد: وزیرخارجہ شاہ محمودقریشی نے اہم ممالک میں نئی سفارتی تقرریوں کا اعلان کردیا.

تفصیلات کے مطابق وزیرخارجہ نے ایک پریس کانفرنس میں اعلان کیا کہ حکومت امریکا میں نئے سفیر کی تعیناتی کا ارادہ رکھتی ہے.

وزیرخارجہ کا کہنا تھا کہ ڈاکٹر اسد مجید خان کو امریکا میں سفیرتعینات کرنے کا فیصلہ کیا گیا ہے، جب کہ نفیس زکریا کو لندن میں ہائی کمشنرتعینات کرنے کا فیصلہ ہوا ہے.

شاہ محمود قریشی کے مطابق راجا علی اعجازکوریاض میں سفیر تعینات کرنے کی تجویز دی گئی ہے، ریاض میں پہلےسفیرکی تعیناتی سیاسی بنیاد پرہوئی تھی.

وزیرخارجہ نے کہا کہ پچھلی حکومت نےاپنی پسند کے افراد کوسفیر تعینات کیا تھا، اب نئی سفارتی تقرریوں کا فیصلہ ہوا ہے.


مزید پڑھیں: سعودی عرب نے پیکیج دے کر کوئی شرط عائد نہیں کی، شاہ محمود قریشی


ان کا کہنا تھا کہ کینیڈامیں بھی رضا بشیر تارڑ کو اور قطر میں سیداحسن رضا شاہ کوسفیرتعینات کرنے پر غور کر رہے ہیں.

شاہ محمود قریشی نے کہا کہ سربیا میں شہریاراکبرخان کو سفیرتعینات کر رہے ہیں، مراکش میں حامداصغرکوسفیرتعینات کرنے کی تجویز ہے ۔

انھوں نے کہا کہ دبئی میں سیاسی بنیاد پر تعینات قونصل جنرل کو واپس بلایا جائے گا، دبئی میں سینئرقونصل جنرل احمد امجدعلی کی تقریری کی تجویز زیر غور ہے.

شاہ محمود قریشی کا کہنا تھا کہ وزیر اعظم کا دورہ چین انتہائی اہم ہے۔ چین کے صدر اورہم منصب سے ملاقات کریں گے، عمران خان شنگھائی انٹرنیشنل ایکسپو میں مہمان خصوصی ہوں گے۔

انھوں نے  وزیراعظم عمران خان سےمتحدہ عرب امارات کے وفد کی ملاقات پر بھی بریفنگ دی۔ انھوں نے کہا کہ متحدہ عرب امارات سےسعودی عرب جیسےپیکج پربات ہوئی ہے۔

Comments

comments

یہ بھی پڑھیں