The news is by your side.

Advertisement

پاک ترک تعلقات مثالی رہے، طیب اردوان کے دورہ پاکستان کے منتظر ہیں: شاہ محمود

اسلام آباد: وزیر خارجہ شاہ محمود قریشی نے کہا ہے کہ پاک ترک تعلقات ہمیشہ مثالی رہے، طیب اردوان کے دورہ پاکستان کے منتظر ہیں.

ان خیالات کا اظہار انھوں نے ترک میڈیا کوانٹرویو دیتے ہوئے کیا. شاہ محمود قریشی نے کہا کہ پاکستان اور ترکی نے ایک دوسرے کا ہمیشہ ساتھ دیا، ترکی کی سپورٹ کا ایک مظاہرہ کل او آئی سی میں بھی دیکھا، مشترکہ بیان کےوقت ترکی کے سفیر آگے آگے تھے۔

ہمارے ترکی کے ساتھ بہترین تعلقات ہیں، ترک صدر کے دورے میں دو طرفہ جامع اقتصادی تعاون پربات چیت کریں گے، پاکستان نے افغان امن عمل کی حمایت اور مصالحانہ کردار ادا کیا ہے.

مزید پڑھیں: مستقبل قریب میں بھارت کے ساتھ دو طرفہ مذاکرات کی صورت نظر نہیں آرہی: وزیر خارجہ

ہمارا پیغام یہی ہے کہ شدت پسندی کوترک کرکے امن کو موقع دیں، بھارت نے نائن الیون کے بعد مسئلہ کشمیر پر چالاکی دکھائی، حق خودارادیت کی جدوجہد کو دہشت گردی سے منسوب کیا، کشمیری اپنے حقوق کی جنگ لڑ رہے ہیں، ہمیں بڑھتے ہوئے اسلامو فوبیا پرگہری تشویش ہے، اقوام متحدہ اجلاس میں پاکستان، ترکی اور ملائیشیا اسلاموفوبیا مباحثہ کریں گے.

وزیر خارجہ نے کشمیر کے تناظر میں کہا کہ اکثریت کواقلیت میں بدلنےکو جینوسائیڈ سے تعبیر کریں گے،50 سے زائد ممالک نے ہمارے بیان کو مشترکہ سپورٹ کیا، مشترکہ بیان سےمتعلق سفارتخانہ جلد تفصیل جاری کرے گا.

Comments

comments

یہ بھی پڑھیں