The news is by your side.

Advertisement

وزیر خارجہ کا سری لنکن اور نیپالی ہم منصب سے رابطہ، خطے کی صورتحال پر تبادلہ خیال

اسلام آباد: وزیر  خارجہ نے سری لنکن اور نیپالی ہم منصب سے رابطہ کیا، جس میں خطے کے امن و امان کی مجموعی صورت حال پر تبادلہ خیال کیا گیا.

تفصیلات کے مطابق وزیرخارجہ شاہ محمود قریشی نے سری لنکن ہم منصب تلک مارا پانا سے ٹیلی فون رابطہ کیا، جس میں‌ انھیں یو این سلامتی کونسل کے صدر کو لکھے گئے خط سے آگاہ کیا، شاہ محمود قریشی نے کہا کہ پاکستان خطےمیں استحکام کے لئے امن کا خواہاں ہے.

اس موقع پر سری لنکن وزیر خارجہ تلک مارا پانا نے کہا کہ سری لنکا بھی خطے میں امن و امان کا حامی ہے، محاذ آرائی کسی فریق کے مفادمیں نہیں ہے، تمام تنازعات کوبات چیت سے حل کرنے کی حمایت کرتے ہیں.

ترجمان دفترخارجہ کے مطابق شاہ محمود قریشی کا آج نیپالی ہم منصب پردیپ کمار سے بھی ٹیلیفونک رابطہ ہوا.

وزیرخارجہ شاہ محمود کا کہنا تھا کہ سارک فورم رکن ممالک کو قریب لانے کے لئے قائم کیا گیا تھا، نیپال ،سارک کے چیئر مین ک ےطور پر کردار ادا کرسکتا ہے.

نیپالی وزیر خارجہ نے کہا کہ خطے میں امن اور استحکام کا فروغ سب کی ذمہ داری ہے، امن ہی میں سب کا مفاد میں ہے.

Comments

comments

یہ بھی پڑھیں