The news is by your side.

Advertisement

ہمیں خالی خزانہ ملا، بہت سے قومی ادارے تباہی کے قریب ہیں: شاہ محمود قریشی

2023 میں عوام پی ٹی آئی کو بھاری اکثریت سے کامیاب کرائیں گے

ملتان: وزیر خارجہ شاہ محمود قریشی نے کہا ہے کہ ملک میں جمہوریت کو کوئی خطرہ نہیں.

ان خیالات کا اظہار  انھوں نے ملتان میں میڈیا سے گفتگو کرتے ہوئے کیا، انھوں نے کہا کہ حکومت مدت پوری کرے گی، باہر بیٹھے لوگوں کو انتظارکرنا ہو گا.

شاہ محمود قریشی نے کہا کہ 2023 میں عوام پی ٹی آئی کو بھاری اکثریت سے کامیاب کرائیں گے، ہم منشور کے مطابق صحیح سمت میں گامزن ہیں، اقتدار آنی جانی چیز ہے، عوام میں سے ہیں، عوام میں رہیں گے.

انھوں نے کہا کہ حکومت کی کوشش ہے کہ نیشنل ایکشن پلان پر عمل کیا جائے،سابق حکومتوں نے نیشنل ایکشن پلان پرعمل نہیں کیا، حکومت کو معاشی بحران ورثے میں ملا ہے.

مزید پڑھیں: وزیرخارجہ شاہ محمودقریشی نے پراپرٹی ٹیکس ادا کردیا

وزیرخارجہ شاہ محمود قریشی نے کہا کہ ہمیں خالی خزانہ ملا، بہت سے قومی ادارے تباہی کے قریب ہیں، پی ٹی آئی کی معاشی ٹیم معیشت کی مضبوطی کے لئےسرکردہ ہے.

انھوں نے کہا کہ وزارت خارجہ نےسفارتی ڈپلومیسی کے ساتھ اکنامک ڈپلومیسی کا بھی آغاز کیا ہے، جس کے مثبت نتائج آئیں گے.

خیال رہے کہ آج اپنے ایک بیان میں شاہ محمود قریشی نے کہا تھا کہ  افغانستان کے مسئلے کا واحد حل پرامن مذاکرات ہیں، مسئلے کا کوئی فوجی حل نہیں، تمام فریقین کو  افغانستان میں امن کے عمل کےلئے کوششیں کرنی چاہیئے۔

Comments

comments

یہ بھی پڑھیں