ملتان : تحریک انصاف کے نائب صدر شاہ محمود قریشی نے کہا ہے کہ آئی ایم ایف کے سامنے حکومت پیٹرول کو مزید50روپے مہنگا کرنے پرآمادہ ہوچکی ہے۔
یہ بات انہوں نے ملتان میں میڈیا سے گفتگو کرتے ہوئے کہی، انہوں نے کہا کہ اس کے بعد بجلی 7 روپے فی یونٹ مہنگی کرکے لوگوں پر مزید بوجھ ڈالا جائے گا۔
ان کا کہنا تھا کہ اب منی بجٹ میں 700 ارب کے نئے ٹیکس لگائے جائیں گے جبکہ لوگ آٹا خریدنے کیلئے قطاروں میں دھکے کھا رہے ہیں۔
سابق وزیرخارجہ شاہ محمود قریشی کا کہنا تھا کہ انتخابات میں ان کی دھاندلی کے پروگرام دھرے کے دھرے رہ جائیں گے، تحریک انصاف کے کارکنان پورے ملک میں مقابلہ کرنے کو تیار ہیں۔
ایک سوال کے جواب میں انہوں نے کہا کہ پشاور میں لاشیں پڑی تھیں اور شہباز شریف نے کہا کہ پیسوں کا حساب دو، کیا مریم نواز یہ بھی خوشخبری لائیں کہ آٹا بھی مہنگا ہونے والا ہے۔
انہوں نے کہا کہ مریم نواز نے قوم کو یہ کیوں نہیں بتایا کہ بجلی بھی مہنگی ہونے والی ہے، آئی ایم ایف کے کہنے پر یہ لوگ گیس کی قیمتیں بھی بڑھانےجارہےہیں۔
