The news is by your side.

Advertisement

پاکستان پر امن ملک ہے اور خطے میں امن چاہتا ہے‘ شاہ محمود قریشی

سکھر: وزیر خارجہ شاہ محمود قریشی کا کہنا ہے کہ بھارت میں انتخابات تک نریندر مودی کا لب ولہجہ ایسا ہی رہے گا، اس وقت مودی سرکارسے امن کی بات کی توقع بے سود ہے۔

تفصیلات کے مطابق سکھر میں میڈیا سے گفتگو کرتے ہوئے وزیرخارجہ شاہ محمود قریشی نے کہا کہ دنیا نے تسلیم کیا کہ پاکستان پرامن ملک ہے اور خطے میں امن چاہتا ہے۔

شاہ محمود قریشی نے کہا کہ ہم امن چاہتے ہیں لیکن جارحیت پردفاع کرنے کی صلاحیت رکھتے ہیں۔

انہوں نے کہا کہ نریندر مودی کا بیانیہ بھارتی عوام بھی تسلیم نہیں کررہے، عوام بھی کہہ رہے ہیں کہ ہم کشمیر کھو چکے ہیں۔

وزیرخارجہ نے کہا کہ بھارت میں انتخابات تک نریندر مودی کا لب ولہجہ ایسا ہی رہے گا، اس وقت مودی سرکارسے امن کی بات کی توقع بے سود ہے۔

مسئلہ کشمیر سے متعلق شاہ محمود قریشی نے کہا کہ کشمیرکا مسئلہ آج کا نہیں 1948 سے زیربحث ہے، پاکستان آج بھی اقوام متحدہ کی قراردادوں کا پابند ہے جبکہ بھارت قراردادوں سے راہ فرار اختیارکر رہا ہے۔

انہوں نے کہا کہ اقوام متحدہ نے کشمیر کی صورت حال پر رپورٹ بنائی جس میں بھارتی مظالم کا ذکر ہے۔

وزیر خارجہ نے کہا کہ پاکستان تحریک انصاف حکومتی ادارے اور معیشت بہترکررہی ہے، نیشنل ایکشن پلان پرسب نے اتفاق کیاعمل کسی سے نہ ہوسکا، موجودہ حکومت نے نیشنل ایکشن پلان پرعمل شروع کیا۔

شاہ محمود قریشی نے کہا کہ سب سیاسی قائدین کودعوت ہے پلان پر تجاویزدیں، وزیراعظم کی جانب سے سیاسی قائدین کودعوت ہے مل کربیٹھیں۔

وزیرخارجہ نے کہا بھارتی کھلاڑیوں نے میچ میں فوجی ٹوپیاں پہنیں، آئی سی سی بھارتی کرکٹ ٹیم کے اس اقدام پر نوٹس لے۔

Comments

comments

یہ بھی پڑھیں