بری گورننس کی وجہ سے پاکستان میں بہت سے مسائل پیدا ہوئے‘ شاہ محمود قریشی -
The news is by your side.

Advertisement

بری گورننس کی وجہ سے پاکستان میں بہت سے مسائل پیدا ہوئے‘ شاہ محمود قریشی

اسلام آباد : وزیرخارجہ شاہ محمود قریشی کا کہنا ہے کہ وزیراعظم کی کوشش ہے کہ گڈ گورننس کا بہترین ماڈل متعارف کراسکیں۔

تفصیلات کے مطابق وزیر خارجہ شاہ محمود قریشی نے دبئی روانگی سے قبل میڈیا سے گفتگو کرتے ہوئے کہا کہ متحدہ عرب امارات میں گلوبل گورننس سمٹ منعقد ہو رہی ہے۔

شاہ محمود قریشی نے کہا کہ وزیراعظم عمران خان بطورکلیدی اسپیکرسمٹ میں اظہار خیال کریں گے۔

وزیرخارجہ نے کہا کہ خطے خصوصاً پاکستان کوگورننس کی بے حد ضرورت ہے، بری گورننس کی وجہ سے پاکستان میں بہت سے مسائل پیدا ہوئے۔

انہوں نے کہا کہ وزیراعظم کی کوشش ہے گڈ گورننس کا بہترین ماڈل متعارف کراسکیں، وزیراعظم کی کوشش ہے اصلاحات سے اداروں کی کارکردگی بہتربنائیں۔

شاہ محمود قریشی نے کہا کہ دورے کے دوران ہماری آئی ایم ایف سربراہ سے میٹنگ ہوگی، آئی ایم ایف سے ایسی شرائط پرآگے بڑھنا چاہتے ہیں کہ عوام پربوجھ نہ پڑے۔

وزیرخارجہ نے میڈیا سے گفتگو کرتے ہوئے کہا کہ ایک روزہ دورے کے دوران کراؤن پرنس اوریواے ای قیادت سے ملاقات ہو گی۔

وزیراعظم عمران خان ایک روزہ دورے پر دبئی روانہ

واضح رہے کہ وزیراعظم عمران خان شیخ محمد بن راشد المکتوم کی دعوت پرورلڈ گورنمنٹ سمٹ میں شرکت کر رہے ہیں اور اجلاس سے خطاب کریں گے۔

Comments

comments

یہ بھی پڑھیں