The news is by your side.

Advertisement

افغانستان میں قیام امن کیلئے پاکستان اپنا مصالحانہ کردار ادا کرتا رہے گا، شاہ محمود قریشی

اسلام آباد: وزیر خارجہ شاہ محمود قریشی نے امریکی ناظم الامور سے ملاقات میں کہا فغانستان میں قیام امن کیلئے پاکستان اپنا مصالحانہ کردار ادا کرتا رہے گا ، خطےمیں تعمیروترقی کاعمل افغانستان میں قیام امن سےمشروط ہے۔

تفصیلات کے مطابق پاکستان کےلئے امریکی ناظم الامور نے وزارتِ خارجہ میں وزیر خارجہ مخدوم شاہ محمود قریشی سے ملاقات کی، جس میں دو طرفہ باہمی دلچسپی کے امور اور خطے کی سیکیورٹی صورت حال پر تبادلہ خیال کیا گیا۔

ملاقات میں خصوصی طور پر افغانستان کے امور پر بات چیت کی گئی۔

وزیر خارجہ نے کہا پورے خطے میں تعمیر و ترقی کا عمل افغانستان میں قیام امن سے مشروط ہے، افغانستان میں قیام امن کیلئے پاکستان اپنا مصالحانہ کردار ادا کرتا رہے گا ۔

مزید پڑھیں : پاکستان خطے میں امن و استحکام کے لیے اپنا مصالحانہ کردار جاری رکھے گا، شاہ محمود قریشی

گزشتہ روز شاہ محمود قریشی نے مشاورتی کونسل برائے امور خارجہ کت اجلاس میں کہا تھا پاکستان خطے میں تمام ہمسایہ ممالک کے ساتھ، برابری کی بنیاد پر پُرامن تعلقات کا حامی ہے، پاکستان کے معاشی استحکام اور اپنی سفارتکاری کو مزید موثر بنانے کے لئے موثر حکمت عملی اپنا رہے ہیں۔

وفاقی وزیر کا کہنا تھا کہ پاکستان خطے میں امن و استحکام کے لئے افغان امن عمل میں اپنا مصالحانہ کردار جاری رکھے گا۔

اس سے قبل وزیر خارجہ کا کرغزستان میں شنگھائی تعاون تنظیم کی وزرائے خارجہ کونسل اجلاس میں کہنا تھا کہ مشترکہ خوش حالی کے لیے پاکستان خطے کے ملکوں میں رابطوں کا فروغ چاہتا ہے، پاکستان ایس سی او ممالک کے ساتھ دہشت گردی کے خلاف کام کر رہا ہے۔

شاہ محمود کا کہنا تھا کہ پاکستان افغانستان میں مفاہمتی عمل کی حمایت کرتا ہے، پاکستان ہر قسم کی دہشت گردی کی مذمت کرتا ہے، خطے کے امن کے لیے مستحکم افغانستان ضروری ہے۔

Comments

comments

یہ بھی پڑھیں