The news is by your side.

Advertisement

روس مسئلہ کشمیر پرثالثی کے لیے تیار ہے، شاہ محمود قریشی

اسلام آباد: وزیرخارجہ شاہ محمود قریشی کا کہنا ہے کہ بھارت مقبوضہ کشمیرمیں نسل کشی کا کھیل کھیلنے والا ہے، مودی کی سوچ خطےکے امن کے لیے ایک خطرہ ہے۔

تفصیلات کے مطابق وزیرخارجہ شاہ محمود قریشی نے اپنے بیان میں کہا کہ روس کشمیرکی صورت حال سے پوری طرح واقف ہے، روس نے اسی وجہ سے اجلاس کی مخالفت نہ کرنے کا فیصلہ کیا۔

شاہ محمود قریشی نے کہا کہ ہمارا راستہ امن کا راستہ ہے کبھی جنگ کو ترجیح نہیں دی، ہماری افواج نے بہت قربانیاں دی ہیں، قیادت اورعوام ساتھ ہوں تو فوج لڑتی ہے، اس وقت پوری قوم فوج کے شانہ بشانہ ہے۔

وزیرخارجہ نے کہا کہ مسئلے کا حل کا مناسب فورم سلامتی کونسل ہے جہاں ہم گئے ہیں، مذاکرات کی راہ میں سب سے بڑی رکاوٹ مودی ہیں۔

وزیرخارجہ کا روسی ہم منصب سے ٹیلی فونک رابطہ، کشمیر کی صورت حال پر تبادلہ خیال

انہوں نے کہا کہ اوآئی سی سے کہنا ہے کہ انہیں اپنا کردار ادا کرنا چاہیے، مسلمان سمجھتے ہیں کہ او آئی سی کو خاموش نہیں رہنا چاہیے۔

شاہ محمود قریشی نے کہا کہ بھارت مقبوضہ کشمیرمیں نسل کشی کا کھیل کھیلنے والا ہے، مودی کی سوچ خطے کےامن کے لیے ایک خطرہ ہے۔

وزیرخارجہ نے کہا کہ اگرہم پرکوئی جنگ مسلط کرتا ہے تو ہمیں دفاع کا حق حاصل ہے، ہمیں نیک نیتی سے اپنا مقدمہ سلامتی کونسل میں پیش کرنا اور لڑنا ہے۔

شاہ محمود قریشی نے اپنے بیان میں مزید کہا کہ روس مسئلہ کشمیر پر ثالثی کے لیے تیار ہے۔

Comments

comments

یہ بھی پڑھیں