The news is by your side.

Advertisement

پاکستان کشمیریوں کی سیاسی، اخلاقی اور سفارتی معاونت جاری رکھے گا، شاہ محمود قریشی

اسلام آباد: وزیر خارجہ شاہ محمود قریشی نے کہا ہے کہ پاکستان کشمیریوں کی سیاسی، اخلاقی اور سفارتی معاونت جاری رکھے گا۔

تفصیلات کے مطابق قومی اسمبلی کی قائمہ کمیٹی برائے امور خارجہ کا اجلاس ہوا، اجلاس میں ممبران قائمہ کمیٹی امور خارجہ سمیت وزارت خارجہ حکام شریک ہوئے، شاہ محمود قریشی نے کمیٹی کو بھارتی اقدامات سے متعلق تفصیلی بریفنگ دی۔

وزیر خارجہ شاہ محمود قریشی نے کہا کہ پاکستانی پارلیمنٹ میں موجود ہر پارٹی نے مسئلہ کشمیر پر موقف اپنایا، اقوام متحدہ، سیکیورٹی کونسل، او آئی سی کو خطوط لکھے اور آگاہ کیا۔

شاہ محمود قریشی نے کہا کہ ہیومن رائٹس کمشنر کو بھارتی اقدامات سے پہلے اور بعد میں خطوط لکھے، بھارتی اقدامات، مقبوضہ وادی میں آبادیاتی تناسب کو تبدیل کرنا ہے۔

مزید پڑھیں: بھارت کے خلاف حکومت اور فوج تیار ہے، شاہ محمود قریشی

انہوں نے کہا کہ مقبوضہ کشمیر میں گزشتہ 23 دن سے کرفیو جاری ہے، ذرائع مواصلات پر پابندی ہے تاکہ حقائق دنیا سے پوشیدہ رہیں۔

شاہ محمود قریشی نے کہا کہ پاکستان اور کشمیری عوام بھارتی اقدامات یکسر مسترد کرچکے ہیں، بھارت میں بھی بڑا سیاسی طبقہ اقدامات پر آواز بلند کررہا ہے۔

وزیر خارجہ نے کہا کہ بھارتی مخالفت کے باوجود سیکیورٹی کونسل اجلاس سفارتی کامیابی ہے، آج دنیا بھر کا میڈیا مقبوضہ کششمیر پر لکھ رہا ہے۔

واضح رہے کہ گزشتہ روز شاہ محمود قریشی کا کہنا تھا کہ دنیا دیکھ رہی ہے بھارت خطے کے امن کو داؤ پر لگا رہا ہے، بھارت دنیا کی توجہ ہٹانے کے لیے کچھ بھی کرسکتا ہے، بھارت کے خلاف حکومت اور فوج تیار ہے، عوام بھی تیار ہے۔

Comments

comments

یہ بھی پڑھیں