The news is by your side.

Advertisement

آنے والا دور تحریک انصاف کا ہے، نیا پاکستان اقتدار میں آکر بنائیں گے، شاہ محمود قریشی

میاں چنوں: تحریک انصاف کے رہنما شاہ محمود قریشی نے کہا ہے کہ آئندہ الیکشن صرف ن لیگ اور پی ٹی آئی کے درمیان ہوگا، آنے والا دور تحریک انصاف کا ہے، نیا پاکستان اقتدارمیں آکر بنائیں گے۔

ان خیالات کا اظہار انہوں نے میاں چنوں میں تقریب سے خطاب کرتے ہوئے کیا، شاہ محمود قریشی نے کہا کہ مسلم لیگ ن پریشان ہے کیونکہ وہ عوام سے کئے گئے وعدے پورے نہیں کرسکی۔

رہنما تحریک انصاف نے کہا کہ لوگ بڑی تعداد میں اپنا قبلہ تبدیل کررہے ہیں، 23 لیگی چیئرمینز اور وائس چیئرمین و سابقہ ناظمین نے پی ٹی آئی میں شمولیت کا اعلان کیا ہے۔

شاہ محمود قریشی نے کہا کہ خیبر پختونخوا میں کوئی سیاسی مقدمہ درج نہیں ہوا ہے، ہم نے ووٹ کا سودا کرنے والے 20 ایم پی اے فارغ کردئیے ہیں، ہم ملک سے کرپٹ مافیا کا راج ہمیشہ کے لیے ختم کردیں گے.

مزید پڑھیں: شاہ محمود قریشی کا سندھ سے الیکشن لڑنے کا اعلان

واضح رہے کہ گزشتہ روز شاہ محمود قریشی کا کہنا تھا کہ روک سکو تو روک لو، آئندہ الیکشن میں سندھ سے لڑوں گا، آئندہ انتخابات میں پی ٹی آئی اور مسلم لیگ ن کا مقابلہ ہوگا، پیپلزپارٹی کا کوئی حصہ نہیں دیکھ رہا۔

ان کا کہنا تھا کہ ملک کو سنوارنا ہے تو ذاتیات سے ہٹ کر فیصلہ کرنا ہوگا، ترقی کے لیے ضروری ہے کہ ذاتی عناد کو بالائے طاق رکھ کر صرف ملک کا سوچا جائے، جس طرح ملک کو چلایا جارہا ہے ایسے ملک نہیں چلتا، کرپٹ حکمرانوں نے ملک کا یہ حال کردیا ہے کہ اب پاکستان کی دنیا میں قدر نہیں ہے۔


Comments

comments

یہ بھی پڑھیں