ملتان: الیکشن کمیشن کی جانب سے پنجاب اسمبلی کے منحرف اراکین کو ڈی سیٹ قرار دئیے جانے کے فیصلے پر شاہ محمود قریشی کا ردعمل سامنے آگیا ہے۔
تفصیلات کے مطابق شاہ محمود قریشی نے سماجی رابطے کی ویب سائٹ ٹوئٹر پر ٹوئٹ کرتے ہوئے لکھا کہ "دیر آید درست آید! بالاخر الیکشن کمیشن نے لوٹوں کو کیفرِ کردار تک پہنچا دیا۔
شاہ محمود قریشی نے نام لئے بغیر حمزہ شہباز کو مخاطب کرتے ہوئے کہا کہ ’جعلی وزیراعلیٰ صاحب! شیروانی واپس لٹکانے کا وقت ہوا چاہتا ہے۔‘
دیر آید درست آید۔ بالاخر الیکشن کمیشن نے لوٹوں کو کیفرِ کردار تک پہنچا دیا۔ پی ٹی آئی منحرف اراکین ڈی سیٹ۔
جعلی وزیراعلیٰ صاحب, شیروانی واپس لٹکانے کا وقت ہوا چاہتا ہے۔#امپورٹڈ_حکومت_نامنظ— Shah Mahmood Qureshi (@SMQureshiPTI) May 20, 2022
واضح رہے کہ اب سے کچھ دیر قبل الیکشن کمیشن نے پنجاب اسمبلی کے منحرف اراکین کے خلاف دائر ریفرنس کا فیصلہ سنا یا اور پی ٹی آئی کے 25 منحرف اراکین کو نااہل قراردیا۔
یہ بھی پڑھیں: الیکشن کمیشن نے پنجاب اسمبلی کے منحرف اراکین کو نا اہل قرار دیدیا
چیف الیکشن کمشنر سکندر سلطان راجہ نے محفوظ کیا گیا فیصلہ سنایا، چیف الیکشن کمشنر نے فیصلے میں کہا کہ منحرف ارکان پنجاب اسمبلی سے متعلق فیصلہ اتفاق رائے سے کیا گیا، نااہل قرار دیئے جانے والے 25 اراکین میں سے 18 کا تعلق پی ٹی آئی سے منحرف جہانگیر ترین گروپ سے ہے، 5 اراکین کا تعلق علیم خان اور 2 کا تعلق اسد کھوکھر گروپ سے ہے۔
الیکشن کمیشن کے اس فیصلے کے بعد وزیراعلیٰ پنجاب حمزہ شہباز اکثریت کھو بیٹھے ہیں۔
