اقوام متحدہ مسئلہ کشمیر کےحل کےلیےاپنا کردارادا کرے‘ شاہ محمود قریشی -
The news is by your side.

Advertisement

اقوام متحدہ مسئلہ کشمیر کےحل کےلیےاپنا کردارادا کرے‘ شاہ محمود قریشی

نیویارک : وزیرخارجہ شاہ محمود قریشی نے اقوام متحدہ کے سیکریٹری جنرل انتونیو گوتریس سے ملاقات میں مسئلہ کشمیر حل کرنے کے لیے کردار ادا کرنے کا مطالبہ کردیا۔

تفصیلات کے مطابق وزیرخارجہ شاہ محمود قریشی نے اقوام متحدہ کے سیکریٹری جنرل انتونیو گوتریس سے ملاقات کی جس میں انہوں نے کہا کہ مسئلہ کشمیر کے حل کے لیے اقوام متحدہ اپنا کردار ادا کرے۔

شاہ محمود قریشی نے سیکریٹری جنرل سے مطالبہ کیا کہ بھارت سے کہا جائے کہ وہ مہم جوئی سے باز رہے۔

انہوں نے کہا کہ پاکستان کی خواہش ہے کہ خطے کے دیرپا امن کے لیے بھارت کو مذاکرات میں شامل کیا جائے۔

وزیرخارجہ شاہ محمود قریشی نے کہا پاکستان افغان تنازعے کا پرامن حل چاہتا ہے۔

دوسری جانب اقوام متحدہ کے سیکریٹری جنرل انتونیو گوتریس نے کہا کہ اقوام متحدہ کے امن مشن میں پاکستان کا کردار قابل تعریف ہے۔

بھارت سے جنگ کا آپشن نہیں، شاہ محمود قریشی

یاد رہے کہ گزشتہ روزپاکستانی وزیر خارجہ شاہ محمود قریشی کا کہنا تھا کہ بھارت سے جنگ کا آپشن نہیں مسائل صرف مذاکرات کے ذریعے حل کیے جاسکتے ہیں، بھارت سے امن کی بات کرنے کی دعوت دینا درست تھا۔

وزیرخارجہ شاہ محمود قریشی کا کہنا تھا کہ بھارت کے 1 ارب 80 کروڑ عوام کو فیصلہ کرنا ہے کہ انھیں خطے میں امن چاہیے یا نہیں۔

Comments

comments

یہ بھی پڑھیں