The news is by your side.

Advertisement

آذر بائجان کے وزیر خارجہ کا مقبوضہ کشمیر کی صورت حال پر تشویش کا اظہار

اسلام آباد: وزیر خارجہ شاہ محمود نے آذربائجان کے وزیر خارجہ سے ٹیلی فونک رابطہ کر کے مقبوضہ کشمیر کی تشویش ناک صورت حال پر تبادلۂ خیال کیا۔

تفصیلات کے مطابق شاہ محمود قریشی نے آذر بائجان کے اپنے ہم منصب ایلمار محمد یاروف کو فون کر کے انھیں بھارت کی جانب سے غیر قانونی اقدام سے متعلق آگاہ کیا۔

وزیر خارجہ نے ہم منصب کو بتایا کہ بھارت نہتے کشمیریوں کے قتل عام کے درپے ہے، بھارت غیر آئینی اقدامات سے آبادیاتی تناسب تبدیل کرنا چاہتا ہے، 5 اگست سے مقبوضہ کشمیر کے لوگ مسلسل کرفیو کا سامنا کر رہے ہیں۔

شاہ محمود نے کہا کہ کشمیریوں کی قیادت کو نظر بند کر دیا گیا ہے، مقبوضہ وادی میں مسلسل کرفیو سے خوراک اور ادویات تک میسر نہیں۔

یہ بھی پڑھیں:  وزیر اعظم کا فرانسیسی صدر اور شاہ اردن سے رابطہ، کشمیر کی صورت حال پر تبادلہ خیال

دریں اثنا، آذربائجان کے وزیر خارجہ نے مقبوضہ کشمیر کی صورت حال پر تشویش کا اظہار کیا، انھوں نے خطے کو کشیدگی سے بچانے کے لیے تصفیہ طلب امور کے پُر امن حل کی ضرورت پر بھی زور دیا۔

واضح رہے کہ آج وزیر اعظم عمران خان نے کشمیر کی صورت حال پر فرانسیسی وزیر اعظم اور اردن کے بادشاہ سے بھی رابطہ کیا ہے، وزیر اعظم نے فرانسیسی صدر ایمانوئل میکرون سے گفتگو میں انھیں کشمیر کی تازہ صورت حال سے آگاہ کیا۔

شاہ عبداللہ کا کہنا تھا کہ اردن مقبوضہ کشمیر کی صورت حال کا بہ غور جائزہ لے رہا ہے، مذاکرات کے ذریعے مسئلہ کشمیر کا پرامن حل ضروری ہے۔

Comments

comments

یہ بھی پڑھیں