The news is by your side.

Advertisement

جیسا باپ ویسا بیٹا، شاہ رخ خان اور آریان خان کی تصویر وائرل ہوگئی

نئی دہلی: بالی ووڈ کے سپر اسٹار شاہ رخ خان اور ان کے بیٹے آریان خان کی ایک تازہ تصویر انٹرنیٹ کی دنیا میں وائرل ہوگئی ہے جس میں بیٹا اپنے باپ کا ہم شکل دکھائی دیتا ہے۔

یہ ہل چل مچائی ہے شاہ رخ کی بیوی گوری خان نے، جنھوں نے گزشتہ ہفتے اپنے پیاری بیٹی سہانا خان کی تصویر بھی اپ لوڈ کی تھی، تاہم انسٹاگرام پر جاری تازہ تصویر نے ہر طرف دھوم مچادی ہے، جس میں شاہ رخ نے اپنے بڑے بیٹے کے ساتھ پوز دیا ہے۔

گوری خان نے تصویر کے نیچے کیپشن دیا ہے ’اسٹرائک آ پوز‘ جس پر گوری کے دوستوں سوزانے خان اور فرح خان نے بھی دل چسپ تبصرے کیے اور آریان کی تعریف کیے بنا نہیں رہ سکیں۔ تصویر پر ہزاروں لوگوں نے کمنٹس کیے اور دو لاکھ سے زائد لوگوں نے اسے لائک کیا۔

Strike a pose …❤️

A post shared by Gauri Khan (@gaurikhan) on

خیال رہے کہ بالی ووڈ کے بادشاہ شاہ رخ خان کئی مرتبہ کہہ چکے ہیں کہ ان کے دونوں بچے آریان اور سہانا بالی ووڈ میں اپنا مستقبل بنانے کے خواہش مند ہیں، تاہم وہ چاہتے ہیں کہ دونوں پہلے اپنی تعلیم پوری کرلیں۔ آریان فلم سازی میں ایک کورس بھی کر رہے ہیں۔

شاہ رخ اور سلمان خان کترینا کیف کے لیے مدمقابل آگئے

اس سے قبل بھی گوری خان نے اپنے بیٹے آریان کی ایک تصویر شئیر کی تھی جس پر انھوں نے کیپشن لکھا: ’اپنے بیٹے کی ایک تصویر ان کی اجازت کے بغیر شئیر کررہی ہوں، امید ہے کہ مجھے نہیں ’نکالا‘ جائے گا۔‘

واضح رہے ان دنوں شاہ رخ خان اپنی نئی رومانٹک ڈراما فلم ’زیرو‘ کے سلسلے میں مصروف ہیں جس کے ڈائریکٹر ہیں آنند ایل رائے، فلم میں شاہ رخ خان ایک بونے کا کردار ادا کر رہے ہیں۔ فلم میں کترینہ کیف اور انوشکا شرما اہم کرداروں میں جلوہ گر ہورہی ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں