ممبئی: بالی وڈ کے لیجنڈ کہلائے جانے والے اداکار شاہ رخ خان کو فلم انڈسٹری میں تین دہائیاں مکمل ہوگئیں اور وہ آج بھی دلوں پر راج کر رہے ہیں۔
شاہ رخ خان نے”دیوانہ“ سے 1992 میں اپنا فلمی کیریئر شروع کیا تھا۔ انہوں نے کئی بلاک بسٹر فلمیں کیں اور کئی بڑے ایوارڈز اپنے نام کیے۔
بالی وڈ میں 30 سال مکمل ہونے پر اداکار نے دنیا بھر میں موجود اپنے مداحوں کے لیے فلم ”پٹھان“ کا پوسٹ بطور تحفہ پوسٹ کیا ہے۔
انہوں نے کیپشن میں لکھا کہ ”30 سال ہوگئے لیکن مداحوں کی محبت اور مسکراہٹیں لامحدود ہیں۔ یہاں سے پھر ”پٹھان“ سے شروعات کر رہا ہوں۔“
View this post on Instagram
شاہ رخ خان فلم ”پٹھان“ کے ساتھ تقریباً چار سال بعد فلمی دنیا میں واپس آ رہے ہیں جس کا مداحوں کو بے حد انتظار ہے۔ فلم میں جان ابراہم اور دپیکا پڈوکون بھی نظر آئیں گے۔
”پٹھان“ کو اگلے سال 25 جنوری کو سنیما گھروں میں نمائش کے لیے پیش کیا جائے گا۔ اس سے قبل شاہ رخ خان اور دپیکا پڈوکون نے ایک ساتھ فلم ”اوم شانتی اوم“، ”چنئی ایکسپریس“ اور ”ہیپی نیو ایئر“ میں کام کیا تھا۔
