مجھے اپنے تینوں بچوں پر فخر ہے، شاہ رخ خان -
The news is by your side.

Advertisement

مجھے اپنے تینوں بچوں پر فخر ہے، شاہ رخ خان

ممبئی: شاہ رخ خان کا کہنا ہے کہ مجھے اپنے تینوں بچوں پر فخر ہے اور اپنے بچوں سے بے پناہ محبت کرتا ہوں۔

بالی وڈ کے کنگ خان کا ڈی سی کو انٹرویو میں اپنے تینوں بچوں کے بارے میں کہنا تھا کہ مجھے اپنے تینوں بچوں آریان، سہانا اور ابراہم پر فخر ہے اور دوسرے والدین کی طرح میں بھی اپنے بچوں سے یکساں طور پر محبت کرتا ہوں،میرے تینوں بچے میرے لئے خاص ہیں، میں خوش قسمت ہوں میرے پاس دو بیٹے اور ایک خوبصورت سی بیٹی ہے، جو بالکل گینگسٹر کی طرح ہے۔

shah-777

شاہ رخ خان سے پوچھا گیا کہ ابرام کے آنے سے آپ کی زندگی میں کیا فرق آیا تو شاہ رخ کا کہنا تھا کہ ابرام کے آنے کے بعد میں زیادہ کھلونے سے کھیلنے لگا اور زیادہ سائیکل ، کاریں ، جانوروں کو خریدنے اور اس کے ساتھ کھیلنے کا ایک بہانا مل گیا۔

shah3

انکا مزید کہنا تھا کہ میں نے بہت چھوٹی عمر میں اپنے والدین کو کھودیا تھا، میری دادی مجھے گیارہ روپے عیدی دیتی تھی، ہم عید پر سفید کپڑے پہنتے تھے اور خوب مزہ کرتے تھے۔

shah6

شاہ رخ خان کا کہنا تھا کہ میں چاہتا ہوں پہلے میرے بچے اپنی تعلیم مکمل کریں ، مجھے نہیں پتہ آریان اداکار بننا چاہتا ہے، تعلیم حاصل کرکے وہ میرے نقشِ قدم پر چل رہا ہے اور اگر وہ ایکٹنگ کے میدان میں بھی میری پیروی کرنا چاہے تو یہ اس کا اپنا فیصلہ ہوگا اور ہم سب اس کے فیصلے پر خوش ہونگے۔

بالی ووڈ کنگ کا سلمان اور عامر خان سے تعلق کے حوالے سے کہنا تھا کہ ہم تینوں ایک دوسرے کا بہت احترام کرتے ہیں، مجھے لگتا ہے کہ وہ دونوں مجھ سے بڑے فنکار ہیں اوریہ بات ہم تینوں میں سے کسی سے بھی پوچھی جائے تو جواب تینوں سے ہی یہی ملے گا، ان کا کہنا تھا کہ ہم تینوں ایک دوسرے کو اتنا پسند کرتے ہیں جو احترام سے بھی بڑھ کرہے۔

shah-rukbbb

یاد رہے کہ عید کے موقعے پر کنگ خان کے مداح ان کے گھر’ منت ‘کے باہر اپنے پسندیدہ اسٹار کو ‘عید مبارک’ کہنے پہنچے تو شاہ رخ اور ان کے چھوٹے بیٹے ابراہم نے بالکنی میں آکر نہایت گرمجوشی کے ساتھ اپنے مداحوں کو عید کی مبارک باد دی، جیسے انکی فلم فین کا کوئی سین ہو۔

shah rukh 1

شاہ رخ اور ابراہم سفید کرتے میں بالکل ایک جیسے لگ رہے ہیں، ابراہم والد کے نقش قدم پر چلتے ہوئے لوگوں کو سلیوٹ کر رہے ہیں۔

 

Comments

comments

یہ بھی پڑھیں