site
stats
انٹرٹینمںٹ

شاہ رخ خان پر انتہا پسندوں کے حملے کا خطرہ، سکیورٹی سخت

ممبئی: بالی ووڈ کنگ شاہ رخ خان پر انتہا پسندوں کے حملے کے خطرے کے پیشِ نظر سیکیورٹی میں اضافہ کر دیا گیا ہے.

یاد رہے کہ چند روز قبل شاہ رخ خان نے بھارت میں بڑھتی ہوئی انتہا پسندی کے خلاف بیانات دیے تھے اور اپنے قومی ایوارڈز احتجاجاََ واپس کرنے کا عندیہ بھی دیا تھا، جس کے بعد بھارتی انتہا پسند تنظیموں کے رہنماﺅں کیلاش وجے ورگیا، سادھوی پراچی اور یوگی آدتیہ ناتھ کی جانب سے شاہ رخ خان کو ملک دشمن کہا گیا جبکہ پاکستانی ایجنٹ ہونے کا بھی الزام عائد کیا گیا.

رپورٹ کے مطابق کنگ خان پر انتہا پسندوں کے حملے کا خطرہ بڑھ گیا ہے ، جس کے پیش نظر سیکیورٹی کے سخت انتظامات کئے گئے ہیں اور شاہ رخ خاں کی رہائش گاہ کے باہر درجنوں پولیس اہلکاروں کو تعینات کر دیا گیا ہے۔

اداکار شاہ رخ خان آجکل اپنی نئی آنے والی فلم ”دل والے“ کی شوٹنگ مکمل کرانے میں مصروف ہیں، روہت شیٹی کی ”دل والے“ رواں سال 18دسمبر کو نمائش کیلئے پیش کی جائے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top